ဒီကနေ့ ဒီဇင်ဘာ ၃၀ ရက် မနက်ပိုင်း တင်ဆက်ပေးမယ့် သတင်းတွေကတော့
-စစ်ကိုင်းတိုင်း၊ ကသာမြို့မှာရွေးကောက်ပွဲ ပြုလုပ်သည့်နေ့ ညနေပိုင်းမှစတင်ကာ KIA နှင့် PDF ဦးဆောင်တဲ့ တော်လှန်ရေးတပ်တွေက မြို့သိမ်းတိုက်ပွဲ စတင်ဆင်နွှဲနေပြီး စစ်တပ်ကာကင်းစခန်း တချို့ရရှိ ထားကာ တိုက်ပွဲပြင်းထန်နေတယ်လို့ KIA စစ်ရေး သတင်းရင်းမြစ်က ရန်ကုန်ခေတ်သစ်ကို ပြောပါတယ်။
-အကြမ်းဖက် စစ်အုပ်စု၏ အတုအယောင်ရွေးကောက်ပွဲကို တရားဝင်မှုပေးတဲ့ ဘယ်အစိုးရမဆို စစ်တပ် ကျူးလွန်သော ရာဇဝတ်မှု ကြံရာပါ ပတ်သက်သူတွေဖြစ်လိမ့်မယ်လို့ မြန်မာနိုင်ငံဆိုင်ရာ အထူး အကြံပေး ကောင်စီ-SAC-M က သတိပေးပြောဆိုပါတယ်။
မကွေးတိုင်း၊ ချောက်မြို့နယ် အမှတ် ၃ ပြည်ထောင်စု လမ်းပိုင်းမှာ အကြမ်းဖက် စစ်တပ်ယာဉ်တန်းကို ကြားဖြတ် တိုက်ခိုက်ရာ အရာရှိ ၁ ဦးအပါအဝင် စစ်သား ၁၃ ဦး သေဆုံးခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
