ရန်ကုန်၊ ဖေဖော်ဝါရီ ၁၀
အာရက္ခတပ်တော်(AA) စစ်ဦးစီးချုပ် ဗိုလ်ချုပ်ထွန်းမြတ်နိုင်နှင့် ချင်းပြည်နယ်၊ မရာနယ်မြေအုပ်ချုပ်ရေးကောင်စီတို့ တွေ့ဆုံဆွေးနွေးခဲ့ပြီး ပိုမိုခိုင်မာသော လက်တွဲ ပူးပေါင်းမှုများ တည်ဆောက်သွားမည်ဟု မရာနယ်မြေ အုပ်ရေးကောင်စီက ယနေ့ ဖေဖော်ဝါရီလ ၁၀ ရက်နေ့တွင် ထုတ်ပြန်ပြောဆိုထားသည်။
၂၀၂၅ ခုနှစ် စက်တင်ဘာလ ၉ ရက်နေ့တွင် အာရက္ခတပ်တော် AA စစ်ဦးစီးချုပ် ဗိုလ်ချုပ်ထွန်းမြတ်နှင့် မရာနယ်မြေအုပ်ချုပ်ရေးကောင်စီ (MTC)၊ မရာလဲန်းကာကွယ်ရေးတပ်ဖွဲ့ (MDF) မှ အကြီးအကဲများ တွေ့ဆုံခဲ့ခြင်းဖြစ်ကြောင်း သိရသည်။
ထိုသို့ တွေ့ဆုံခဲ့မှုနှင့် ပတ်သက်ပြီး မရာနယ်မြေအုပ်ချုပ်ရေးကောင်စီ (MTC) က “ယခင်ကတည်းက မဟာမိတ်ထက်ပိုသော ဂရုစိုက်မှုနှင့် ဖော်ရွေမှုများ ပြသပေးခဲ့သည့် ULA/AA အား လေးစားကျေးဇူးတင်ရှိပြီး၊ အနာဂတ်တွင်လည်း မိတ်ဖက်စိတ်ဓာတ်၊ ယုံကြည်မှုနှင့် နားလည်မှုများအပေါ် အခြေခံကာ ပိုမိုခိုင်မာသော လက်တွဲပူးပေါင်းမှုများ တည်ဆောက်သွားလိုပါသည်” ဟု ထုတ်ပြန် ပြောဆိုထားသည်။
ထို့ပြင် မရာလဲန်းကာကွယ်ရေးတပ် (MDF) သည် အာရက္ခတပ်တော် (AA) ၊ ချင်းအမျိုးသားကာကွယ်ရေးတပ်ဖွဲ့ (CNDF) အပါအဝင် ချင်းတော်လှန်ရေးတပ်ဖွဲ့များနှင့် ပူပေါင်းကာ စစ်ရေးဖော်ဆောင်နေခြင်းဖြစ်ကြောင်း သိရသည်။
