ရန်ကုန်၊ ဖေဖော်ဝါရီ ၁၃
ချင်းပြည်ကောင်စီ ဒုတိယသက်တမ်းအတွက် လွှတ်တော်၊ အစိုးရအဖွဲ့တို့ကို ဖွဲ့စည်းလိုက်ကြောင်း ချင်းပြည်ကောင်စီက ယမန်နေ့ ဖေဖော်ဝါရီလ ၁၁ ရက်နေ့တွင် ထုတ်ပြန်သည်။
ချင်းပြည်ဖွဲ့စည်းပုံ အခြေခံဥပဒေပုဒ်မ ၃၂ (က)အရ ချင်းပြည်ကောင်စီသည် ဒုတိယသက်တမ်းအ တွက် ချင်းပြည်လွှတ်တော်ကို ပုဒ်မ ၄၂ ၊ ၅၁ ၊ ၅၂ ၊ ၅၃ နှင့်အညီဖွဲ့စည်းလိုက်ခြင်းဖြစ်ကြောင်း ချင်း ပြည်ကောင်စီ ဥက္ကဌက ကြေညာထားသည်။
အဆိုပါ ချင်းပြည်နယ်လွှတ်တော်ကို Pu Hung Naing က လွှတ်တော် ဥက္ကဌ ၊ Pu Lai Min Taung က ဒုက္ကဌ ဖြစ်တာဝန်ယူထားပြီး ပြည်နယ်လွှတ်တော်ကိုယ်စားလှယ် ၈ ဦး၊ အမျိုးသားလွှတ်တော် ကိုယ်စားလှယ် ၃ ဦးတို့ဖြင့် ဖွဲ့စည်းထားကြောင်း သိရသည်။
အလားတူ ချင်းပြည်အစိုးရအဖွဲ့ ဒုတိယသက်တမ်းကို ချင်းပြည် ဖွဲ့စည်းပုံ အခြေခံ ဥပဒေ အခန်း ၉ နှင့် ပုဒ်မ ၃၂ (က) အရ ဖွဲ့စည်းထားပြီး Salai Myo Htaik က ဝန်ကြီးချုပ်အဖြစ်တာဝန်ယူထား ကြောင်း သိရသည်။
ထို့အပြင် ကာကွယ်ရေးဝန်ကြီးအဖြစ် Pu Ram Kulh Cung ကလည်းကောင်း၊ ပြည်ထဲရေးဝန်ကြီး အဖြစ် Pu Ram Chum Mang ကလည်းကောင်း၊ စီမံကိန်းနှင့်ဘဏ္ဍာရေး ဝန်ကြီးအဖြစ် Pu Maung Oo က လည်းကောင်း၊ ပညာရေးဝန်ကြီးအဖြစ် Salai James Neih Taung ကလည်းကောင်း၊ ကျန်းမာရေးဝန်ကြီးအဖြစ် Dr. Sharon Par ကလည်းကောင်း၊ လူမှုဖွံ့ဖြိုးရေးဝန်ကြီးအဖြစ် Pu Za Thawng ကလည်းကောင်း၊ ရှေ့နေချုပ်အဖြစ် Dr.Tial Hnin ကလည်းကောင်း တာဝန်ယူထား ကြောင်း သိရသည်။
ချင်းပြည်ဖွဲ့စည်းပုံအခြေခံ ဥပဒေ ခန်း ၉ နှင့် ပုဒ်မ ၃၂ (က) အရ ချင်းပြည်တရားလွှတ်တော်ချုပ်ကို Pu Heng Cin ကတာဝန်ယူထားပြီး တရားသူကြီးများအဖြစ် Mai Mirriam Cuum Pai နှင့် Pu Benjamin တို့က တာဝန်ယူထားကြောင်း နှင့် ချင်းပြည်စာရင်းစစ်ချုပ်ကို Pu C.Za Cung က တာဝန် ယူထားကြောင်း သိရသည်။
