လူထုခေါင်းဆောင် ဒေါ်အောင်ဆန်းစုကြည်၏ အကြို မွေးနေ့အဖြစ် “ဗေဒါပျံ အံကိုခဲ ပန်းပန်လျှက်ပဲ” ကြွေးကြော်သံဖြင့် စစ်အာဏာရှင် ဆန့်ကျင်ရေး ဝက်လက်ပြည်သူများက ချီတက်ဆန္ဒပြ
ရန်ကုန်၊ ဇွန် ၁၈
စစ်ကိုင်းတိုင်း၊ ဝက်လက်မြို့နယ်တွင် လူထုခေါင်းဆောင် ဒေါ်အောင်ဆန်း စုကြည် ၏ အကြို မွေးနေ့အဖြစ် “ဗေဒါပျံ အံကိုခဲ ပန်းပန်လျှက်ပဲ” ကြွေးကြော်သံဖြင့် စစ်အာဏာရှင် ဆန့်ကျင်ရေး ဝက်လက်ပြည်သူများက ချီတက်ဆန္ဒပြကြသည်။
ဝက်လက်မြို့နယ်လူထုသပိတ်ဦးဆောင်ကော်မတီက ဦးဆောင်ကာ “ဗေဒါပျံ အံကိုခဲ ပန်းပန်လျှက်ပဲ” စာသားပါ ဘန်နာဖြင့် နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ၇၈ နှစ်ပြည့် မွေးနေ့ အကြိုဂုဏ်ပြုသပိတ် စစ် ကြောင်း အဖြစ် ချီတက်ခဲ့ကြပြီး ထိုသပိတ်စစ်ကြောင်းသို့ ဗကသ များအဖွဲ့ချုပ် ဝင် ဝက်လက်မြို့နယ်အခြေစိုက်ကျောင်းသားသမဂ္ဂများက ဝန်းရံပူးပေါင်းခဲ့ ကြကြောင်း သိရှိရသည်။
