ရေးမြို့နယ်ရှိ ဒေသပြည်သူများကို PDF ဒေါနစစ်ကြောင်းက ကျန်းမာရေး စောင့်ရှောက်မှု ပြုလုပ်ပေး
ရန်ကုန်၊ စက်တင်ဘာ ၁၃
မွန်ပြည်နယ်၊ ရေးမြို့နယ်ရှိ ဒေသပြည်သူများကို ပြည်သူ့ကာကွယ်ရေး တပ်မတော် PDF ဒေါနစစ်ကြောင်း၏ ဆေးတပ်ဖွဲ့က ကျန်းမာရေး စောင့်ရှောက်ကူညီမှုများ ပြုလုပ်ပေးခဲ့ကြောင်း သိရသည်။
ဇူလိုင်လမှ သြဂုတ်လ အထိ ရေးမြို့နယ်အတွင်းရှိ ကျေးရွာ ၆ ရွာတွင် အမျိုးသား ၆၇ ဦး၊ အမျိုးသမီး ၅၁ ဦးနှင့် ငါးနှစ်အောက် ကလေးငယ် ၅ ဦး စုစုပေါင်း အရပ်သား ပြည်သူ ၁၂၃ ဦးကို ကုသမှုများ ပြုလုပ်ပေးခဲ့ကြောင်း သိရှိရသည်။
မိုးရာသီ ဖြစ်သည့်အတွက် ငှက်ဖျားရောဂါနှင့်သွေးလွန် တုပ်ကွေး ရောဂါများ အများဆုံး ဖြစ်ပွားကြပြီး ပြည်သူ့ကာကွယ်ရေးတပ်မတော် PDF ဒေါနစစ်ကြောင်း၏ ဆေးတပ်ဖွဲ့အနေဖြင့် ရပ်ရွာတွင်း အခြေခံ ပြည်သူ့ကျန်းမာရေးဆိုင်ရာ အသိပညာမြှင့်တင်ပေးရန်အတွက် လိုအပ်သော ဆေးပညာဆိုင်ရာ သင်တန်းများလည်း ဖွင့်လှစ်ပို့ချလျက်ရှိကြောင်း သိရသည်။
