ရေဦးမြို့ပေါ်တွင် တပ်စွဲထားသော စစ်ကောင်စီတပ်သားများ ပြည်သူ့ရင်ခွင် ခိုလှုံ ကြရန် ဒရုန်းဖြင့် နှိုးဆော်စာများ ကျဲချ
ရန်ကုန်၊ စက်တင်ဘာ ၂၆
စစ်ကိုင်းတိုင်း၊ ရေဦးမြို့ပေါ်တွင် တပ်စွဲထားသော စစ်ကောင်စီတပ်သားများ ပြည်သူ့ရင်ခွင်ခိုလှုံကြရန် ဒရုန်းဖြင့် နှိုးဆော်စာများ ကျဲချကြောင်း အမျိုးသား ညီညွတ်ရေးအစိုးရ၊ ကာကွယ်ရေးဝန်ကြီးဌာနက တရားဝင် သတင်း ထုတ်ပြန် သည်။
စက်တင်ဘာလ ၂၆ ရက်နေ့ ညနေ ၄ နာရီ ၂၀)မိနစ်အချိန် စစ်ကိုင်းတိုင်း၊ရေဦးမြို့ရှိ စစ်ကောင်စီတပ်သားများ ဆေးကုသနေသည့် လမင်းဆေးရုံ အနီး နှင့် မြို့လယ် နာရီစဉ်အနီးသို့ ဒရုန်းဖြင့် ပြည်သူ့ရင်ခွင်ခိုလှုံကြရန် နှိုးဆော် ကမ်းလှမ်းသည့်စာရွက်များကို ပြည်သူ့ကာကွယ်ရေးတပ်မတော်(PDF)၊ ရွှေဘို ခရိုင် တပ်ရင်း ၁၄ က ကျဲချခဲ့ကြောင်း သိရှိရသည်။
