ပခုက္ကူမြို့နယ်၊ အင်ပင်ဂိတ်၊ ကျပ်ထိုးနယ်မြေရဲစခန်းနှင့် စက်မှုဇုန်ဂိတ်ရှိ စစ်သားများကို ဒရုန်း၊ လက်နက်ကြီးများဖြင့် ဗုံးကျဲ ပစ်ခတ်တိုက်ခိုက်

ပခုက္ကူမြို့နယ်၊ အင်ပင်ဂိတ်၊ ကျပ်ထိုးနယ်မြေရဲစခန်းနှင့် စက်မှုဇုန်ဂိတ်ရှိ စစ်သားများကို ဒရုန်း၊ လက်နက်ကြီးများဖြင့် ဗုံးကျဲ ပစ်ခတ်တိုက်ခိုက်

ရန်ကုန်၊ ဖေဖော်ဝါရီ ၁၄

မကွေးတိုင်း၊ ပခုက္ကူမြို့နယ်၊ အင်ပင်ဂိတ်နှင့် ကျပ်ထိုးနယ်မြေရဲစခန်းရှိ စစ်ကောင်စီတပ်သားများကို ဒရုန်း၊ လက်နက်ကြီးများဖြင့် ဗုံးကျဲပစ်ခတ်တိုက်ခိုက်ခဲ့ကြောင်း Young Force – UG တပ်ဖွဲ့မှ သ တင်းနှင့်ပြန်ကြားရေး တာဝန်ခံကို ကိုပိန်က ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ ဖေဖော်ဝါရီလ ၁၃ ရက် ညနေ ၂ နာရီဝန်းကျင်ခန့်က ပခုက္ကူမြို့နယ်၊ အင်ပင်ဂိတ်ရှိ အ ကြမ်းဖက်စစ်ကောင်စီတပ်သားများကို RC Plane များဖြင့် ဗုံးသီး ၈ လုံးထက်မနည်း၊ ကျပ်ထိုးနယ် မြေရဲစခန်းရှိ အကြမ်းဖက်စစ်ကောင်စီတပ်သားများကို ၆၀ မမ လက်နက်ကြီးအလုံးရေ ၇၀ ခန့် နှင့် အီနာဂါဗုံးသီး ၁၀ လုံးခန့်တို့ကို ဗုံးကျဲ ပစ်ချတိုက်ခိုက်ခဲ့ကြောင်း သိရသည်။

“တပြိုင်နက်တည်း တိုက်ခိုက်ခဲ့တာပါ၊ တနေရာနဲ့တနေရာက အချိန်သိပ်မကွာဘူး၊ ကျနော်တို့ဘက် က ပစ်ခတ်တဲ့လက်နက်ကြီးတွေ၊ ဗုံးသီးတွေကတော့ သူတို့ စခန်းဝန်းတွေထဲကျတယ်၊ ထိခိုက်မှု တော့ရှိနိုင်တယ်၊ အတိအကျတော့မသိရသေးဘူး၊ လက်နက်ငယ်တွေနဲ့ ရမ်းသမ်းပြီး ပြန်ပစ်တာမျိုး တော့ရှိပါတယ်” ဟု Young Force – UG တပ်ဖွဲ့မှ သတင်းနှင့်ပြန်ကြားရေး တာဝန်ခံကို ကိုပိန်က ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါ တိုက်ခိုက်မှုများကို Earthquake People’s Defence Force ၊ Pakokku People’s Defense Force၊ မြနန္ဒာ Drone Force(မန္တလေး) ၊ ပခုက္ကူမြိုနယ် (ပလဖ)နှင့် ပခုက္ကူမြိုနယ် ပ.က.ဖ တပ်ခွဲ ၂

တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း သိရသည်။

အလားတူ ပခုက္ကူမြို့ရှိ အကြမ်းဖက်စစ်ကောင်စီတပ်သားများ တပ်စွဲထားရာ စက်မှုဇုန်ဂိတ်ကို ဗုံးသီး ၈ လုံးထက်မနည်း ကျဲချတိုက်ခိုက်ခဲ့ကြောင်း Young Force – UG တပ်ဖွဲ့မှ သတင်းနှင့်ပြန်ကြားရေး တာဝန်ခံ ကိုပိန်က ရန်ကုန်ခေတ်သစ်သတင်းဌာနထံသို့ ပြောကြားသည်။

ယနေ့ ဖေဖော်ဝါရီလ ၁၄ ရက် နံနက်ပိုင်းက ပခုက္ကူမြိုနယ်ရှိ စစ်ကောင်စီတပ်စွဲနေထိုင်သော စက်မှု ဇုန်ဂိတ်ကို RC Plane များဖြင့် ဗုံးသီး ၈ လုံး ထက်မနည်း ကျဲတိုက်ခိုက်ခဲ့ရာ စစ်ကောင်စီတပ်စွဲထား သော ဝန်းအတွင်းသို့ ကျရောက်ပေါက်ကွဲမှုရှိခဲ့ပြီး စစ်ကောင်စီတပ်သား ထိခိုက်သေဆုံးမှုကို စုံစမ်း နေဆဲဖြစ်ကြောင်း သိရသည်။

အဆိုပါ တိုက်ခိုက်မှုကို Earthquake People’s Defence Force၊ Pakokku People’s Defense Force၊ မြနန္ဒာ Drone Force(မန္တလေး) ၊ ပခုက္ကူမြို့နယ် (ပလဖ)၊ ပခုက္ကူခရိုင် (ပလဖ)၊ မြောင် (ပလဖ)၊ ပခုက္ကူမြို့နယ် ပ.က.ဖ တပ်ခွဲ ၂ မှ Shwe Nyar Myae People Defense Force ၊ PKU Ranger ၊ Thurain TR နှင့် Young Force – UG အဖွဲ့တို့ ပူးပေါင်း လုပ်ဆောင်ခဲ့ခြင်းဖြစ်ကြောင်း သိရ သည်။