နောင်ချိုမြို့နယ် မီးသတ်ရုံးနှင့် ကျောက်မဲမြို့လယ်ခေါင်ကို စစ်တပ်က တိုက် လေယာဉ်ဖြင့် ပေါင် ၅၀၀ ဗုံးများ ကျဲချမှု လူနေအိမ်များနှင့် မြို့ ပြ ပျက်စီးမှု အလွန်များပြား
ရန်ကုန်၊ ဇူလိုင် ၁
ရှမ်းပြည်နယ်မြောက်ပိုင်း၊ နောင်ချိုမြို့နယ် မီးသတ်ရုံးနှင့် ကျောက်မဲမြို့လယ်ခေါင်ကို စစ်တပ်က တိုက်လေယာဉ်ဖြင့် ပေါင် ၅၀၀ ဗုံးများ ကျဲချကြောင်း TNLA က သတင်းထုတ်ပြန်သည်။
ဇွန်လ ၂၉ ရက်နေ့ ည ၁၀ နာရီခွဲဝန်းကျင်အချိန် နောင်ချိုမြို့ မီးသတ်ရုံးအနီးကို စစ်ကောင်စီက ဂျက်လေယာဥ်ဖြင့် ပေါင် ၅၀၀ ဗုံး လာရောက်ကြဲချတိုက်ခိုက်မှုကြောင့် ပြည်သူများ၏နေအိမ် ၈ အိမ်ထက်မနည်း ထိခိုက်ပျက်စီးခဲ့ကြောင်း သိရှိရသည်။
ထို့ပြင် ကျောက်မဲမြို့လယ်ခေါင်ကို စစ်ကောင်စီလေတပ်က ဂျက်ဖိုက်တာဖြင့် ပေါင် ၅၀၀ ဗုံးကြဲတိုက်ခိုက်ခဲ့၍ ဒေသခံနေအိမ် ၂၀ ခန့် ပျက်စီးဆုံးရှုံးသွားကြောင်း၊ ယမန်နေ့ ဇွန်လ ၃၀ ရက်နေ့ ညသန်ခေါင်းယံ ၁၂ နာရီဝန်းကျင်တွင် စစ်ကောင်စီက ကျောက်မဲမြို့ ရပ်ကွက် ၁ ကို ဂျက်ဖိုက်တာဖြင့် ဗုံးကျဲတိုက်ခိုက်ခဲ့ကြောင်း၊
စစ်ကောင်စီက ပေါင် ၅၀၀ ဗုံးကျဲတိုက်ခိုက်မှုကြောင့် ရပ်ကွက် ၁ ရှိ One Love Hotel၊ ပင်လုံလမ်းအနီး ကမ္ဘောဇရှမ်းဘုန်းကြီးကျောင်းဆောင်နှင့် ဒေသခံ နေအိမ် ၂၀ ခန့် ပျက်စီးသွားကြောင်း သိရှိရသည်။
အလားတူ ယမန်နေ့ နံနက်ပိုင်းအချိန်တွင်လည်း စစ်ကောင်စီတပ်မှ လက်နက်ကြီးပစ်ခတ်မှုကြောင့် ကျောက်မဲမြို့ ရပ်ကွက် ၉ ရှိ ဆီဆိုင်တစ်ဆိုင်သို့ ဗုံးကျရောက်ပေါက်ကွဲခဲ့၍ မီးလောင်ဆုံးရှုံးသွားကြောင်း သိရှိရသည်။
![](https://yktnews.com/wp-content/uploads/2024/07/449519646_835253758702232_3955604150935522713_n.jpg)
![](https://yktnews.com/wp-content/uploads/2024/07/449687640_835253868702221_4696015645905064125_n.jpg)
![](https://yktnews.com/wp-content/uploads/2024/07/449686079_835253908702217_2685055572027628092_n.jpg)
![](https://yktnews.com/wp-content/uploads/2024/07/449695683_835253805368894_1640367389181027747_n.jpg)