အမှတ် ၁ စစ်ဒေသ ပခုက္ကူ ခရိုင် အမှတ် ၁၄ တပ်ရင်း၏ တပ်ရင်း၂ နှစ်ပြည့်အခမ်းအနားကျင်းပ
ပြည်သူ့ကာကွယ်ရေးတပ်မတော် အမှတ် ၁ စစ်ဒေသ ပခုက္ကူခရိုင် အမှတ် ၁၄ တပ်ရင်း၏ တပ်ရင်း ၂ နှစ်ပြည့်အခမ်းအနားကို ယနေ့ ဒီဇင်ဘာလ ၁ ရက်နေ့တွင် ကျင်းပခဲ့ကြောင်း သိရှိရသည်။
အဆိုပါအခမ်းအနားတွင် တပ်ရင်းမှူး၊ ဒုတပ်ရင်းမှူး၊ တပ်ရေးဗိုလ်တို့က အဆင့်ဆင့် အမှာစကားများပြောကြားခဲ့ပြီး ၂ နှစ်အတွင်း ဖယ်ဒရယ်ဒီမိုကရေစီတိုက်ပွဲအတွင်း မြင့်မြတ်စွာ ကျဆုံးခဲ့ရသော အမှတ် ၁၄ တပ်ရင်းက သူရဲကောင်းရဲဘော်များကို သတိရအောက်မေ့ပြီး ဝမ်းနည်းဂုဏ်ယူစွာ အလေးပြုခဲ့ကြောင်း သိရှိရသည်။
