ရက္ခိုင့်တပ်တော် AA နှင့်အတူ ရခိုင်ပြည်နယ် အမ်း (နပခ စစ်ဌာနချုပ်) မြို့သိမ်းတိုက်ပွဲတွင် တာဝန်ထမ်းဆောင်ခဲ့ကြသော စစ်ကိုင်းတိုင်း ပကဖ ရဲဘော်များကို ဂုဏ်ပြုကြိုဆိုပွဲကျင်းပ
ရန်ကုန်၊ မေ ၉
ရခိုင်ပြည်နယ် အမ်းမြို့သိမ်းတိုက်ပွဲတွင် ပါဝင်ကူညီတိုက်ခိုက်ပေးခဲ့သည့် စစ်ကိုင်းတိုင်း ပကဖမှ တိုက်ပွဲဝင် အောင်ပွဲရ ရဲဘော်များကို စစ်ကိုင်းတိုင်း ပကဖက ဂုဏ်ပြုဆုငွေများ ပေးအပ်ချီးမြင့်ခဲ့ပြီး ကျဆုံးရဲဘော်များ၏ မိသားစုဝင်များကို ထောက်ပံ့ကြေးပေးအပ်၍ ရဲဘော်များက ဂုဏ်ပြုဦးညွှတ်အလေးပြုခဲ့ကြကြောင်း သိရှိရသည်။
အမ်းမြို့သိမ်းတိုက်ပွဲတွင် စစ်ကိုင်းတိုင်းယင်းမာပင်ခရိုင်မှ ပကဖရဲဘော် ၃၂ ဦးပါဝင်တိုက်ခိုက်ခဲ့ပြီး ရဲဘော် ၂ ဦး အသက်ပေးလှူခဲ့ရကာ ရဲဘော်တစ်ဦး ခြေတစ်ဖက်ဆုံးရှုံးခဲ့ရကြောင်း သိရှိရသည်။
အမ်းမြို့နှင့် အနောက်ပိုင်းတိုင်းစစ်ဌာနချုပ် နပခ ကို အာရက္ခတပ်တော် AA နှင့် ပူးပေါင်းတပ်ဖွဲ့များက ၂၀၂၄ ခုနှစ် ဒီဇင်ဘာလ ၂၀ ရက်တွင် အပြီးသတ်တိုက်ခိုက်သိမ်းပိုက်ခဲ့ပြီး စစ်ကောင်စီ၏ နပခ ဒုတိုင်းမှူး ဗိုလ်မှူးချုပ် သောင်းထွန်းနှင့် တိုင်းစစ်ဦးစီးချုပ် ဗိုလ်မှူးချုပ် ကျော်ကျော်သန်း တို့ကိုပါ အရှင်ဖမ်းမိခဲ့ခြင်း ဖြစ်သည်။
