ဒီကနေ့ အောက်တိုဘာ ၇ ရက် ညနေပိုင်း တင်ဆက်ပေးမယ့် သတင်းတွေကတော့
-မြန်မာနိုင်ငံမှာ နူကလီးယားဓာတ်ပေါင်းဖို တည်ဆောက်ရေးအတွက်ဆိုပြီး အကြမ်းဖက် မင်းအောင်လှိုင်က သူ့လက်အောက်ခံ စစ်တပ် အရာရှိအများအပြားကို ရုရှားနိုင်ငံဆီ ပညာတော်သင်တွေအဖြစ် အဆက်မပြတ် စေလွှတ်နေပြန်တယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
-လာမယ့် ၂၀၂၆ ခုနှစ်အစမှာ တော်လှန်ရေးတပ်တွေ ထိန်းချုပ်ထားတဲ့ လွတ်မြောက်ဒေသတွေအတွင်း အဆင့်မြင့်ပညာကျောင်း နဲ့ ဆေးတက္ကသိုလ်တွေကို ဖွင့်လှစ်ဖို့ စီစဉ်နေတယ်လို့ အမျိုးသားညီညွတ်ရေးအစိုးရ (NUG)ရဲ့ ကျန်းမာရေးနဲ့ ပညာရေးဝန်ကြီး ဒေါက်တာဇော်ဝေစိုးက ပြောဆိုလိုက်ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် သားဖြစ်သူကိုထိန်လင်းလို့ ခေါ်တဲ့ ကင်မ်အဲရစ်က အီတလီ နိုင်ငံရဲ့ လွှတ်တော်ကို သွားရောက် အရေးဆိုခဲ့တယ်လို့ သူ့ရဲ့ လူမှုကွန်ရက်မှာ သတင်းထုတ်ပြန်ထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
