ကရင်နီပြည်၊ ရှမ်း-ကရင်နီနယ်စပ် မိုးဗြဲမြို့အနီးတွင် တိုက်ပွဲပြင်းထန်နေပြီး စစ်တပ်က အထိနာသ ဖြင့် လေကြောင်းဖြင့် ဗုံးကျဲတိုက်ခိုက်ခဲ့ကြောင်း ကရင်နီတော်လှန်ရေး စစ်ရေးသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောကြားသည်။
ယမန်နေ့ နိုဝင်ဘာလ ၇ ရက် နံနက်ပိုင်း မိုးဗြဲမြို့အပြင်ဘက်သို့ အကြမ်းဖက်စစ်၊ PNO ပူးပေါင်း တပ်ဖွဲ့က စစ်ကြောင်းထိုးလာသဖြင့် ကရင်နီတော်လှန်ရေးပူးပေါင်းတပ်ဖွဲ့များက တိုက်ခိုက်ခဲ့ရာ တစ်နေကုန်တိုက်ပွဲပြင်းထန်ခဲ့ပြီး အကြမ်းဖက်စစ်သားများ ထိခိုက်သေဆုံးမှုများပြားသဖြင့် ဂျက်ဖိုက် တာဖြင့် ၂ ကြိမ် ဗုံးကျဲတိုက်ခိုက်ခဲ့ကာ ပစ်ကူပေးခဲ့ကြောင်း သိရသည်။
“စခတွေဘယ်လောက်သေလဲဆိုတာတော့ အတိအကျ မသိရဘူး။ ထိခိုက်မှုကတော့များတယ်။ အဲဒါ ကြောင့်မို့လို့ လက်နက်ကြီးတွေနဲ့လည်း ပတ်ထုတယ်။ လေယာဉ်နဲ့လည်းလာကျဲတာ၊ ထိတွေ့မှုက နေ့တိုင်းလည်းရှိနေတာပဲ၊ ၁ နာရီကြာထိတွေ့မှုဖြစ်လိုက်၊ ၂ နာရီကြာထိတွေ့မှုဖြစ်လိုက်နဲ့ နေ့ တိုင်းနီးပါးဖြစ်နေတာ၊ ဒါပေမယ့် ဒီမနက်ကတော့ စောစောစီးစီးကနေ နေ့လည်အထိ ထိတွေ့မှုရှိ နေတာ၊ အထိနာသွားလို့ ညနေပိုင်းမှာ လက်နက်ကြီးတွေလျှောက်ပတ်ထုနေတယ်။ လေယာဉ်နဲ့ လည်း ၂ ခေါက်လာကျဲသွားတယ်။” ဟု ကရင်နီတော်လှန်ရေးသတင်းရင်းမြစ်က ရန်ကုန်ခေတ် သစ်သတင်းဌာနထံသို့ ပြောကြားသည်။
ရှမ်း-ကရင်နီ နယ်စပ် မိုးဗြဲမြို့၊ လွိုင်ကော်၊ ဒီးမော့ဆို၊ ဖရူဆိုနှင့် ဘောလခဲမြို့နယ်တို့တွင် အကြမ်း ဖက်စစ် ကောင်စီတပ်က စစ်မျက်နှာ ၅ ခုဖွင့်ကာ PNO ပြည်သူ့စစ်များ၊ စစ်မှုထမ်း တပ်သားများကို ရှေ့တန်းမှ လူသားဒိုင်းကာအဖြစ် အသုံးပြုကာ ထိုးစစ်ဆင်တိုက်ခိုက်လျက်ရှိသဖြင့် နေ့စဉ်တိုက်ပွဲ ပြင်းထန်လျက်ရှိကြောင်း သိရသည်။
