ဒီကနေ့ ဒီဇင်ဘာ ၁၀ ရက် မနက်ပိုင်း တင်ဆက်ပေးမယ့် သတင်းတွေကတော့
-နွေဦးတော်လှန်ရေးဘက်တော်သားတွေနဲ့ ပြည်သူလူထုက ပါဝင်ဆောင်ရွက်မယ့်အသံတိတ်သပိတ်ကို ဖျက်ဆီးဖို့ ကြံ့ဖွတ်ပါတီက ဒီဇင်ဘာလ ၁၀ ရက်နေ့မှာ မဲဆွယ်စည်းရုံးပွဲတွေနဲ့ပါတီဝင်အင်အား အများအပြားအသုံးပြုပါဝင်တဲ့လှုပ်ရှားမှုတွေကို လုပ်ဆောင်ကြမှာဖြစ်တယ်လို့ ကြံ့ခိုင်ရေးပါတီ သတင်းရင်းမြစ်က ရန်ကုန်ခေတ်သစ်ကို ပြောပါတယ်။
-စစ်အာဏာသိမ်းထားတဲ့ မြန်မာ့စီးပွားရေး ပြန်ကောင်းလာဖို့ အကန့်အသတ်အတားအဆီးတွေ ရှိနေဆဲဖြစ်တယ်လို့ ကမ္ဘာ့ဘဏ်က ထုတ်ပြန်လိုက်ပြီး ဝယ်လိုအားနည်းခြင်း၊ လုပ်သားရှားပါးခြင်းနဲ့ လျှပ်စစ်မီးပြတ်တောက်ခြင်း၊ ပဋိပက္ခနဲ့ မလုံခြုံမှုအပါအဝင် ပြဿနာများစွာရှိနေဆဲဖြစ်တယ်လို့ ကမ္ဘာ့ဘဏ်က ထုတ်ပြန်လိုက်ပါတယ်။
မကွေးတိုင်း၊ မင်းဘူးခရိုင်၊ စကုမြို့နယ်၊ စကုမြို့ကနေ ရွှေစက်တော်ဘုရားဘက်ကို ထွက်လာတဲ့ အကြမ်းဖက်စစ်တပ်စစ်ကြောင်းကို ကြားဖြတ်တိုက်ခိုက်ခဲ့ရာ စစ်သား ၄ ဦး သေဆုံးခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
