By ရန်ကုန်ခေတ်သစ်
ဒီကနေ့ မတ် ၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
– အကြမ်းဖက် စစ်တပ်က မတ်လ ၇ ရက်နေ့မှာ စတင်မယ့် ပြည်တွင်း စက်သုံးဆီချွေတာရေး ကားနံပါတ်အလိုက် စုံရက်နဲ့ မရက်သာ လမ်းပေါ်မှာ ကားမောင်းနှင်ရမယ့် အမိန့်အတွက် စစ်တပ်၊ ရဲ၊ ထွေ/အုပ်နဲ့အတူ ရပ်ကွက်အုပ်ချုပ်ရေးမှူးတွေ ၊ ပျူစောထီးတွေကပါ ကားတွေကို တားဆီးစစ်ဆေး မယ့်အပြင် ၊ ရပ်ကွက်အတွင်းက ကားပိုင်ရှင်စာရင်းနဲ့ ကားနံပါတ်တွေပါ လိုက်လံကောက်ခံနေတယ်လို့ သိရပါတယ်။
– အရှေ့ အလယ်ပိုင်း ပဋိပက္ခကြောင့် မြန်မာနိုင်ငံမှာ စက်သုံးဆီပြတ်လပ်မှုတွေ ရှိလာပြီး အထူးသဖြင့် ထိုင်း – မြန်မာ နယ်စပ်မြို့တွေမှာ စက်သုံးဆီဆိုင်တွေ ပိတ်ထားရတယ်လို့ သိရှိရပါတယ်။
– ပဲခူးတိုင်း၊ ပန်းတောင်းမြို့နယ်ထဲက အကြမ်းဖက် စစ်တပ်ရဲ့ ကပစ (၁၆) ကို အာရက္ခတပ်တော် (AA) ပူးပေါင်းတပ်တွေက တိုက်ခိုက်နေတဲ့အချိန် စစ်တပ်ဘက်က အထိနာမှုကြောင့် စစ်ကူအပို့လိုက်တဲ့ ကပစ (၆)က တပ်သားတွေ ဟာ အလုံးအရင်းနဲ့ထွက်ပြေးသွား တယ်လို့ ဒေသတွင်း စစ်ရေးသတင်း ရင်းမြစ်တွေ ဆီက သိရပါတယ်။
– အီရန် နိုင်ငံပြီးရင် ကျူးဘားအစိုးရကို ဖြုတ်ချဖို့ အချိန်ပိုင်းပဲ ကြာမယ်လို့ အမေရိကန်သမ္မတ ဒေါ်နယ်ထရမ့် ကပြောဆိုလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
