Khit Thit သတင်းဌာန၏ နိုဝင်ဘာ ၁ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၁ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -မွန်ပြည်နယ်၊ ကျိုက်ထိုမြို့နယ်မှာ ကျိုက်ထီးရိုးဘုရားဖူး ၃ ဦးကို စစ်တပ်က ပစ်သတ်ခဲ့တဲ့ ကျိုက်ထီးရိုး ဘုရားတောင်တက်ဂိတ်ကို တိုက်ခိုက်မှုနဲ့ပတ်သက်ပြီး ယမန်နှစ်ကတည်းက ကွယ်လွန်ခဲ့တဲ့ KNU တပ်မဟာ (၁) တပ်မဟာမှူးနဲ့ လွန်ခဲ့တဲ့ ၄ လခန့်က စစ်တပ်ရဲ့ သတ်ဖြတ်မှုကြောင့် ကွယ်လွန်ခဲ့တဲ့ ဘီးလင်း အမတ် ဦးကျော်မျိုးမင်းတို့က စီစဉ်အကွက်ချသူတွေအဖြစ် အကြမ်းဖက်စစ်ကောင်စီက မနေ့က လိမ်လည် သတင်းထုတ်ပြန်ပါတယ်။ – ပဲခူးတိုင်း၊ ဖြူးမြို့နယ်၊ ကညွတ်ကွင်းမြို့ ရဲစခန်းအနီးမှာ မနေ့က ဗုံးပေါက်ကွဲမှု ဖြစ်ပွားခဲ့ပြီး ရဲ ၃ ဦးဟာ ထိခိုက် ဒဏ်ရာရရှိခဲ့တယ်လို့ သိရပါတယ်။ – တနင်္သာရီတိုင်း၊ ထားဝယ်ခရိုင်၊ ကံပေါက်ဒေသမှာရှိတဲ့ စစ်ကောင်စီ မောရဝတီ ရေတပ်ဌာနချုပ်က တပ်သားအဆင့် ၅ ဦးဟာ လက်နက်နဲ့အတူတကွ ထွက်ပြေးတာကြောင့် စစ်ကောင်စီတပ်ဖွဲ့တွေ အပူတပြင်း လိုက်လံ ရှာဖွေနေတဲ့ သတင်းအပါအဝင်နောက်ဆုံးရသတင်းတွေကိုတင်ဆက်ပေးပါမယ်။