Khit Thit သတင်းဌာန၏ နိုဝင်ဘာ ၃ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၃ ရက်နေ့ ညနေပိုင်းတင်ဆက်ပေးမယ့် သတင်းတွေကတော့ – ထိုင်းနိုင်ငံမှာ ဖမ်းဆီးခြင်းခံထားရတဲ့ အကြမ်းဖက် စစ်ကောင်စီရဲ့ လက်နက်ပွဲစား မူးယစ်ရာဇာ ထွန်းမင်းလတ် ပိုင်ဆိုင်တဲ့ ငွေကြေး၊ ဟိုတယ်၊ ကားအပါအဝင် ပိုင်ဆိုင်မှု စုစုပေါင်း ဘတ်ငွေ ၁ ဒသမ ၈ ဘီလီယံကို ထိုင်းရဲတပ်ဖွဲ့ကနေ သိမ်းဆည်းလိုက်တယ်လို့ ထိုင်းအာဏာပိုင်တွေက တရားဝင် သတင်းထုတ်ပြန်ထားပါတယ်။ – အမျိုးသားညီညွတ်ရေးအစိုးရ NUG ရဲ့ ကုလသမဂ္ဂဆိုင်ရာ သံအမတ်ကြီး- ဦးကျော်မိုးထွန်းဟာ ၇၇ ကြိမ်မြောက် ၊ ကုလသမဂ္ဂ – အထွေထွေညီလာခံ နဲ့ နောက်ဆက်တွဲ အစည်းအဝေး အခု ၃၀ ကို တက် ရောက်ခဲ့ပြီး ၊ အကြမ်းဖက် အာဏာလု မင်းအောင်လှိုင် ခေါင်းဆောင်တဲ့ စစ်ကောင်စီကို အရေးယူဖို့ အတွက် နိုင်ငံတကာ နဲ့ ကုလသမဂ္ဂကို တောက်လျှောက် တိုက်တွန်းမှုတွေကို လုပ်ဆောင်ခဲ့တယ်လို့ သိရ ပါတယ်။ -မွန်ပြည်နယ်၊ ကျိုက်ထိုမြို့နယ်၊ ကျိုက်ထီးရိုးဘုရားမှာ ဘုရားဖူးတွေနဲ့ ပြန်လည်စည်ကားအောင်ဆိုပြီး စစ်ကောင်စီက နိုဝင်ဘာလ ၃ ရက်နေ့ နဲ့ နိုဝင်ဘာလ ၄ ရက်နေ့တွေမှာ တည်းခိုခန်း-အားလုံးကို အခမဲ့နဲ့ ယာဉ်စီးခ အားလုံး အခမဲ့ စီစဉ်ထားခဲ့ပေမယ့် ဘုရားဖူးသူ အလွန်နည်းပါးနေတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်