ရန်ကုန်၊ နိုဝင်ဘာ ၆
ရန်ကုန်တိုင်း၊ လှိုင်သာယာ၊ အောင်ဇေယျာတံတားအဆင်းတွင် YBS ခရီးသည်တင်ကားကြီး ၂ စီး ခေါင်းချင်းဆိုင်တိုက်မှုတွင် ခရီးသည် ၄ ဦး သေဆုံးပြီး ၃၀ ဦး ကျော်ဒဏ်ရာရရှိကြောင်း ကယ်ဆယ်ရေးလုပ်နေသူများထံမှ သိရှိရသည်။
ယနေ့ နံနက်ပိုင်း YBS ၆၉ နှင့် YBS ၆၁ တို့ မျက်နှာချင်းဆိုင် တိုက်မိကြရာမှ ခရီးသည်များ ထိခိုက် သေဆုံးခြင်းဖြစ်ကြောင်း၊လက်ရှိတွင် ကယ်ဆယ်ရေးနှင့်ဆေးရုံတင်ပို့မှုများ လုပ်နေကြောင်း သိရှိရသည်။
“လက်ရှိ အလောင်း ၄ လောင်းနဲ့ ထိခိုက်ဒဏ်ရာမှု ၃၅ လောက်ရှိတယ်။ အောင်ဇေယျတံတားလှိုင်သာယာအဆင်းဘက်အခြမ်းမှာပါ” ဟု ကယ်ဆယ်ရေးလုပ်သားတစ်ဦးက ပြောသည်။
