ရန်ကုန်၊ နိုဝင်ဘာ ၂၈
တနင်္သာရီတိုင်း၊ ထားဝယ်-ပုလောကားလမ်းပေါ်တွင် အရပ်သားအယောင် ဆောင် ခရီးသွားနေသည့် စစ်ကောင်စီတပ်မှ ဗိုလ်မှူး ဝင်းဌေးနိုင် ဖမ်းဆီးခံရပြီး သေဆုံးသွားကြောင်း ဒေသသတင်းရင်းမြစ် Dawei Information Center က ရန်ကုန်ခေတ်သစ်သတင်းဌာနထံ ပြောဆိုသည်။
နိုဝင်ဘာ၂၆ ရက်နေ့ ည ၇ နာရီအချိန် ခရီးသည်တင်ကားတစ်စီးကို ပြည်သူ့ ကာ ကွယ် ရေးတပ်ဖွဲ့က တားဆီးစစ်ဆေး ရာ အရပ်သားအယောင်ဆောင် ထား သည့် ဗိုလ်မှူး ဝင်ဌေးနိုင်ကို ဖမ်းဆီးရမိကြောင်း၊ အဆိုပါ ဗိုလ်မှူးဝင်းဌေးနိုင်ကို ဖမ်းဆီးခေါ်ဆောင်လာစဉ်PDF ရဲဘော်တစ်ဦး၏ သေနတ်ကို ဝင်လုသဖြင့် ကျည် ထိမှန် သေဆုံးသွားကြောင်း သိရှိရသည်။
ဗိုလ်မှူးဝင်းဌေးနိုင်သည် တပ်မတော်(ကြည်း)တပ်အရာရှိဗိုလ်မှူးဖြစ်ပြီး ပု လော တပ်ရင်းမှ ထားဝယ်တပ်ရင်းဘက်သို့ တာဝန်ဖြင့် အရပ်သား အယောင် ဆောင် ပြောင်းရွှေ့ချိန် ဖမ်းဆီးခံရကာ သေနတ်လုယူသည့်အတွက် ကျည် ထိ မှန် သေဆုံးသွားခြင်းဖြစ်ကြောင်း သိရှိရသည်။
