မန္တလေး၏ အသံတိတ်သပိတ် ရာနှုန်းပြည့် အောင်မြင်၊ မြို့နယ်အားလုံးတွင် လူသူ၊ ကား၊ ဆိုင်ကယ် မရှိဘဲ တိတ်ဆိတ်နေပြီ
မဟာအောင်မြေကျောက်၀ိုင်း၊ ကျုံးဘေးရှိ လမ်းအားလုံး ယာဉ်အသွားအလာ လုံး၀ မရှိတော့
ရန်ကုန်၊ ဖေဖော်ဝါရီ ၁
မန္တလေးမြို့ပေါ် မြို့နယ်အားလုံးရှိ ပြည်သူများက အသံတိတ် သပိတ်တွင် ပါဝင်ကြပြီး တစ်မြို့လုံး တိတ်ဆိတ်ငြိမ်သက်သွားကြောင်း မန္တလေးမြို့ခံများထံမှ သိရှိရသည်။
လက်ရှိတွင် ကျောက်သမားများ စည်ကားလေ့ရှိသော မဟာအောင်မြေကျောက်၀ိုင်းတွင်လည်း လူသူမရှိတော့ဘဲ မန္တလေးမြို့၏ အချက်အချာနေရာ ကျုံးဘေးတွင် လူသူကင်းမဲ့ပြီး တိတ်ဆိတ်နေလျက်ရှိသည်။
မန္တလေးမြို့ခံ အများစုက စစ်အာဏာရှင် တော်လှန်ရေး အသံတိတ် သပိတ်သည် မန္တလေးတွင် ရာနှုန်းပြည့်အောင်မြင်ကြောင်း ပြောဆိုကြသည်။
