Khit Thit သတင်းဌာန၏ မတ် ၂၇ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၂၇ ရက် ညနေပိုင်းတင်ဆက်ပေးမယ့်သတင်းတွေကတော့
– ကချင်ပြည်နယ်၊ ဖားကန့်မြို့နယ်မှာ ကင်းလှည့်နေသော အကြမ်းဖက်စစ်ကောင်စီလက်အောက်ခံ ဒုရဲအုပ် ညီညီထက်အောင် ဆိုသူ ဦးဆောင်တဲ့ ရဲ ၃ ဦးပါ အဖွဲ့ကို KIA၊ PDF တပ်ဖွဲ့တွေကနေ ပစ်ခတ် တိုက်ခိုက်ရာမှာ ဒုရဲအုပ် ညီညီထက်အောင် ဆိုသူ သေသွားတယ်လို့ ဒေသ သတင်း ရင်းမြစ်တွေဆီကနေ သိရပါတယ်။
-ရန်ကုန်တိုင်း၊ မှော်ဘီမြို့နယ်က စစ်တပ်ပိုင် တပ်မတော်ဆေးဝါးစက်ရုံ နဲ့ တပ်ရင်းတပ်ဖွဲ့တွေဆီကို သွယ်တန်းထားတဲ့ ဓာတ်အားလိုင်းကို မိုင်းနဲ့ ဖောက်ခွဲတိုက်ခိုက်မှုဖြစ်ပွားပြီး စစ်တပ်ပိုင် Mytel တာဝါ တိုင်လည်း မိုင်းခွဲခံရတယ်လို့ တပ်သတင်းရင်းမြစ်တွေ နဲ့ ဒေသသတင်းရင်းမြစ်တွေဆီကနေ သိရပါတယ်။
-ရန်ကုန်တိုင်း၊ မြောက်ဥက္ကလာပမြို့နယ်၊ ဌ ရပ်ကွက်က အသက် ၁၃ နှစ်အရွယ် ကလေးငယ် ၂ ဦးကို မတ်လ ၂၃ ရက်နေ့ ည ၁၀ နာရီလောက်မှာ အကြမ်းဖက် စစ်ကောင်စီတပ်နဲ့ ရဲတွေက
တပ်သားသစ်စုဆောင်းတဲ့ အနေနဲ့ ပေါ်တာဆွဲသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
