ဒီကနေ့ မတ် ၁၈ ရက် ညနေပိုင်း တင်ဆက်ပေးမယ့် သတင်းတွေကတော့

အကြမ်းဖက် မင်းအောင်လှိုင်ကိုယ်တိုင်စိတ်ကြိုက် စီမံထားတဲ့အတိုင်း သူ့လက်အောက်ခံ ဗိုလ်ချုပ်ကြီးဟောင်း အောင်လင်းဒွေးဆိုသူကပဲ သူတို့ရဲ့ လွတ်တော်မှာ ပြိုင်ဘက်မရှိ အကြမ်းဖက် အမျိုးသားလွှတ်တော်ဥက္ကဋ္ဌ ဖြစ်လာပြန်ပါတယ်။

မြန်မာအကြမ်းဖက် စစ်တပ်ရဲ့ ဦးစီးချုပ်အဖြစ်ကနေ အနားယူဖို့ အလားအလာများနေတဲ့ မင်းအောင်လှိုင်ကို ထိုင်းစစ်တပ်ခေါင်းဆောင်တွေ နေပြည်တော်မှာ ဒီကနေ့ နောက်ဆုံး လာရောက် နှုတ်ဆက် တွေ့ဆုံမှု လုပ်ခဲ့တယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။

ကချင်ပြည်နယ် မြစ်ကြီးနား-ပူတာအိုလမ်းမှာရှိတဲ့ အကြမ်းဖက် စစ်တပ်ရဲ့ ဆွမ်ပီယံ စစ်ဆင်ရေး ဂိတ်မှာ စစ်တပ် ဗိုလ်မှူးစောမွန်အောင် ဆိုသူက ကုန်ကားတွေ နဲ့ခရီးသည်တွေကို အကြီးအကျယ် ငွေညှစ်နေပြီး ဘတ်ဟိုး ယာဉ် ၁ စီးကို ငွေကျပ် ငွေသိန်း ၈၀ အထိ မတရားတောင်းယမ်းနေတယ်လို့ သိရပါတယ်။

-အရှေ့အလယ်ပိုင်းက အီရန်စစ်ပွဲအတွင်း အစ္စရေးရဲ့ တိုက်ခိုက်မှုကြောင့် အီရန်လုံခြုံရေး အကြီးအကဲ ထပ်မံ သေဆုံးပြီးတဲ့နောက် တင်းမာမှု လျှော့ချရေး ကမ်းလှမ်းချက်တွေကို အီရန်ဘက်က ပယ်ချလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၈ ရက် ညနေပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

-အာဏာသိမ်းစစ်ခေါင်းဆောင် မင်းအောင်လှိုင်က အကြမ်းဖက်စစ်တပ်ကို ဆန့်ကျင်သူတွေ၊ CDM ဝန်ထမ်းတွေနှင့် ပြစ်ဒဏ်လွတ်ငြိမ်းခွင့်ရရှိထားသူ တွေကို နိုင်ငံကူးလက်မှတ် (Passport) ထုတ်မပေးဖို့ တားမြစ်ပိတ်ပင်တဲ့ “မြန်မာနိုင်ငံကူး လက်မှတ်ဆိုင်ရာဥပဒေ” အသစ်တစ်ရပ်ကို မနေ့က မတ်လ ၁၇ ရက် ညပိုင်းတွင် ထုတ်ပြန်ပြဋ္ဌာန်းလိုက်ပါတယ်။

မကွေးတိုင်း၊ ပခုက္ကူမြို့ကနေ ပေါက်မြို့ကို ထွက်လာတဲ့ အကြမ်းဖက် စစ်တပ်ရိက္ခာပို့ယာဉ်တန်းကို လမ်းတစ်လျှောက် လိုက်လံ မိုင်းဆွဲတိုက်ခိုက်ခဲ့ တာကြောင့် ကားတွေ ထိခိုက်ပျက်စီးမှုရှိပြီး စစ်တပ် ကလည်း ကျေးရွာတွေကို ဝင်ရောက်စီးနင်းကာ ပြည်သူပိုင် ပစ္စည်းတွေကို စိတ်ကြိုက်ခိုး ယူနေတယ်လို့ ဆိပ်ဖြူပြောက်ကျား တကိုယ်တော် ကျားဇိုး ပြည်သူ့ကာကွယ်ရေး LDF ရဲ့ ကိုကျားဇိုးက ရန်ကုန်ခေတ်သစ်ကိုပြောပါတယ်။

မကွေးတိုင်း၊ စလင်းမြို့နယ်၊ စည်ဆွဲကျေးရွာမှာ အကြမ်း ဖက် စစ်တပ်ထောင်ခဲ့တဲ့ မြေမြှုပ်မိုင်းနင်းမိ တာကြောင့် စစ်ဘေးရှောင်အမျိုးသားတစ်ဦး ခြေထောက် ပြတ်ပြီး ဒဏ်ရာအပြင်းအထန်ရရှိခဲ့တယ်လို့ ပြည်သူ့ညီနောင်-စလင်းတပ်ဖွဲ့ကထုတ်ပြန် ထားပါတယ်။

မဟာမိတ်တွေ မကူညီလည်း ဂရုမစိုက်ဘူးလို့ အမေရိကန်သမ္မတ ထရမ့်က ကြုံးဝါးလိုက်ပြီး ဟော်မုဇ်ရေလက်ကြားအတွက် အမေရိကန် တစ်ဦးတည်း ရပ်တည်မယ်လို့ ထုတ်ဖော်ပြောဆို လိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၈ ရက် နေ့လယ်ပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၈ ရက် မနက်ပိုင်း တင်ဆက်ပေးမယ့် သတင်းတွေကတော့

-မြန်မာနိုင်ငံရဲ့မြေရှားသတ္တုထွက်ရှိမှုက နိုင်ငံတကာရဲ့အာရုံစိုက်မှုကို ရရှိနေပြီပေမယ့် အဲဒီအလားအ လာကို တည်ငြိမ်တဲ့ထောက်ပံ့ရေးကွင်းဆက်တစ်ခုအဖြစ်ပြောင်းဖို့ကတော့ လမ်းခရီးမှာ စိန်ခေါ်မှု တွေ အများကြီးရှိနေတုန်းပဲဖြစ်ပြီး တရုတ်အပေါ် မှီခိုမှုကိုလျှော့ချနိုင်တဲ့ ရင်းမြစ်တစ်ခုအဖြစ် စိတ်ဝင်စား လာနေကြတယ်လို့ Geopolitical Intelligence Services-GIS က ပြောပါတယ်။

မြန်မာနိုင်ငံမှာ စစ်အာဏာရှင်ကို တော်လှန်နေတဲ့အခြေအနေဟာ အမြင့်ဆုံးအဆင့်ကို ရောက်ရှိနေတဲ့ အချိန်ဖြစ်တာကြောင့် အချင်းချင်းနားလည်မှုရှိရှိနဲ့ ပူးပေါင်းဆောင်ရွက်ဖို့ အထူးလိုအပ်နေတယ်လို့ အမျိုးသားညီညွတ်ရေးအစိုးရ (NUG) ဝန်ကြီးချုပ် မန်းဝင်းခိုင်သန်းက တိုက်တွန်းလိုက်ပါတယ်။

ရှမ်းပြည်မြောက်ပိုင်း၊ လားရှိုး–မူဆယ်ပြည်ထောင်စုလမ်းမပေါ်က KIA ဂိတ်စခန်းတွေကို MNDAA က ဖယ်ရှားခိုင်းထားတယ်ဆိုတဲ့သတင်းတွေ ထွက်နေတဲ့အပေါ် KIO ဗဟိုဘက်ကတော့ အဲ့ဒီလိုသတင်း အချက်အလက်မျိုး မရရှိထားဘူးလို့ KIO ပြောခွင့်ရ ဗိုလ်မှူးကြီးနော်ဘူက ပြောပြီး ငြင်းဆိုလိုက်ပါတယ်။

အမေရိကန် သမ္မတဒေါ်နယ်ထရမ့်က လနဲ့ချီပြီး အသေအချာပြင်ဆင်ထားတဲ့ တရုတ်ပြည်ခရီးစဉ်ကို ရွှေ့ဆိုင်းလိုက်ရာမှာ အကြောင်းပြချက်အဖြစ် အခုလတ်တလောဖြစ်နေတဲ့ အီရန်စစ်ပွဲကို သူကိုယ်တိုင် အနီးကပ်ကိုင်တွယ်ချင်လို့ ဖြစ်တယ်လို့အကြောင်းပြချက်ပေးတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၈ ရက် မနက်ပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၇ ရက် ညနေပိုင်း တင်ဆက်ပေးမယ့် သတင်းတွေကတော့

မြန်မာ့နိုင်ငံရေးမှာ ဘောင်းဘီဝတ်ကနေ လုံချည်ဝတ်ကို ပြောင်းလဲပြီး မိမိကိုယ်ကို သမ္မတ တင်မြှောက်မည့် မင်းအောင်လှိုင်အနေနဲ့ သူကျူးလွန်ခဲ့တဲ့ ရာဇဝတ်မှုတွေအတွက် နိုင်ငံတကာကို လှည့်စားလို့ ရမှာမဟုတ်ဘူးလို့ မြန်မာနိုင်ငံဆိုင်ရာ အထူးအကြံပေးကောင်စီ (SAC-M)က သတိပေးပြောဆိုလိုက်ပါတယ်။

အကြမ်းဖက်စစ်တပ်ရဲ့ အတုအယောင်ရွေးကောက်ပွဲကနေ ထွက်ပေါ်လာတဲ့ တရားမဝင်လွှတ်တော်ကို ရှုတ်ချပြီး ၂၀၂၀ ရွေးကောက်ပွဲရလဒ် တရားဝင်မှုကို အမျိုးသားညီညွတ်ရေးအစိုးရ ရဲ့ ပြည်ထောင်စု လွှတ်တော်က အတည်ပြုလိုက်ပါတယ်။

ရှမ်းပြည်နယ်မြောက်ပိုင်းက လောက်ကိုင်မြို့မှာ TNLA ဒုတိယဥက္ကဋ္ဌ ဦးဆောင်တဲ့ ကိုယ်စားလှယ် အဖွဲ့က MNDAA နဲ့ သွားရောက် ဆွေးနွေးနေပြီး ၂ ဖက်တင်းမားမှုတွေအတွက် ပြေလည်ဖို့ အလားအ လာများတယ်လို့ အဲ့ဒီ့ဖြစ်စဉ်ကို သိရှိထားတဲ့ သတင်းရင်းမြစ်က ရန်ကုန်ခေတ်သစ်ကို ပြောပါတယ်။

အမေရိကန်သမ္မတ ထရန့် ရဲ့ တရုတ်ခရီးစဉ် အတည်မဖြစ်သေးတဲ့အတွက် အမေရိကန်နဲ့ ဆက်သွယ် ညှိနှိုင်းနေတယ်လို့ တရုတ်အစိုးရက ထုတ်ပြောလာပါတယ်။ လာမယ့် မတ်လကုန်မှာ သွားရောက်ဖို့ရှိတဲ့ သမ္မတ ဒေါ်နယ်ထရန့်ရဲ့ တရုတ်နိုင်ငံခရီးစဉ်ဟာ လောလောဆယ်အတည်မပြုသေးပဲ အမေရိကန် အစိုးရနဲ့ ညှိနှိုင်းနေဆဲသတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၇ ရက် ညနေပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၇ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

ကြံ့ဖွတ်ပါတီအနေနဲ့ အာဏာရပါတီအဖြစ် ရှေ့လာမယ့် ၁၅ နှစ်တာကာလအထိ နိုင်ငံတော်ကို ဆက်လက်ဦးဆောင်သွားဖို့ စီစဉ်ထားပြီး စစ်တပ်ကို နိုင်ငံရေးကနေ ဖယ်ရှားဖို့ အစီအစဥ်မရှိဘူးလို့ အကြမ်းဖက် ဘူးလက်လှဆွေက ပြောလိုက်ပါတယ်။

-စစ်ကိုင်းတိုင်း၊ ဆားလင်းကြီးမြို့နယ်မှာရှိတဲ့ ယမ်စီကုမ္ပဏီကနေထွက်လာတဲ့ အကြမ်းဖက် စစ်တပ် စစ်ကြောင်းကို ကြားဖြတ်တိုက်ခဲ့တာကြောင့် စစ်သား ၈ ဦးသေဆုံးခဲ့တယ်လို့ PDF ထောက်ပို့ ပြည်သူ့တပ်သား အဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။

ပဲခူးတိုင်းဘက်မှာတော့ ပဲခူးတိုင်း၊ မင်းလှမြို့နယ်မှာ “သတ္တိရှိတဲ့ PDF ရွာထဲလာခဲ့ အသေထွက်ပဲ ပြန်ထွက် ရမယ်” ဆိုပြီး စိန်ခေါ်ထားတဲ့ ပျူစောထီး ခေါင်းဆောင်ရဲထွန်းကို နေအိမ်မှာ ဝင်ရောက်ပစ်ခတ် တိုက်ခိုက်ခဲ့ တာကြောင့် ပွဲချင်းပြီးသေဆုံးခဲ့တယ်လို့ သာယာဝတီခရိုင် တပ်ရင်း ၃၈၀၂ တပ်ခွဲ ၅ Black Tiger ပြောက်ကျား အဖွဲ့ရဲ့ တာဝန်ရှိသူ တစ်ဦးက ရန်ကုန်ခေတ်သစ်ကိုပြောပါတယ်။

၂၀၂၆ ခုနှစ်၊ မတ်လ ၁၆ ရက်နေ့က အီရန်စစ်ပွဲကြောင့် ရေနံဈေးနှုန်းတွေ အဆမတန် မြင့်တက် နေချိန်မှာ Hormuz ရေလက်ကြား လုံခြုံရေးအတွက် NATO မဟာမိတ်တွေ ကူညီပေးဖို့ သမ္မတ ထရန့်က တောင်းဆိုခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၇ ရက် နေ့လယ်ပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၇ ရက် မနက်ပိုင်း တင်ဆက်ပေးမယ့် သတင်းတွေကတော့

-အကြမ်းဖက်စစ်ခေါင်းဆောင်မင်းအောင်လှိုင်က သူ့ရဲ့ ၁၅ နှစ်ကြာ စစ်တပ်ဦးစီးချုပ်အဖြစ် တာဝန်ထမ်းဆောင်ခဲ့တဲ့ကာလအတွင်း ကြုံတွေ့ခဲ့ရတဲ့အခက်အခဲတွေ၊ အဲဒီအခက်အခဲတွေကို ဘယ်လို ကျော်လွှားခဲ့သလဲဆိုတာနဲ့ ရရှိခဲ့တဲ့အောင်မြင်မှုတွေကို စုစည်းပြီး စစ်ဦးစီးချုပ်မှာတမ်းတစ်ခု ရေးသားနေတယ်လို့ နေပြည်တော်စစ်ဘက်သတင်းရင်းမြစ်တစ်ခုက ပြောပါတယ်။

အကြမ်းဖက်စစ်အုပ်စုက အတုအယောင်လွှတ်တော်ကို အသုံးပြုပြီး နိုင်ငံတကာအသိအမှတ်ပြုမှု ရယူနိုင်ဖို့ကြိုးပမ်းနေတဲ့လှုပ်ရှားမှုတွေကို တန်ပြန်တုံ့ပြန်နိုင်ဖို့ အထူးလိုအပ်နေကြောင်း အမျိုးသား ညီညွတ်ရေးအစိုးရ (NUG) ယာယီသမ္မတ ဒူဝါလရှီးလက သတိပေးပြောဆိုလိုက်ပါတယ်။

-ရှမ်းပြည်နယ်မြောက်ပိုင်း ကွတ်ခိုင်မြို့နဲ့ ပတ်ဝန်းကျင်ဒေသတစ်ခုလုံးကနေ TNLA တပ်တွေ ဆုတ်ခွာသွားပြီး လက်ရှိမှာ MNDAA တပ်တွေက နယ်မြေရှင်းလင်းရေးလုပ်ငန်းတွေ ဆောင်ရွက်နေတယ်လို့ MNDAA သတင်းရင်းမြစ်တစ်ခုက ရန်ကုန်ခေတ်သစ်သတင်းဌာနကို ပြောပါတယ်။

အီရန်စစ်ပွဲစရိတ် အမေရိကန်ဒေါ်လာ ၁၂ ဘီလီယံအထိမြင့်တက်လာမှုအပေါ် အမေရိကန်သမ္မတ ထိပ်တန်းအကြံပေးပုဂ္ဂိုလ်က သမ္မတထရမ့်ကို သတိပေးလိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်

The post Khit Thit သတင်းဌာန၏ မတ် ၁၇ ရက် မနက်ပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၆ ရက် ညနေပိုင်း တင်ဆက်ပေးမယ့် သတင်းတွေကတော့

အကြမ်းဖက် မင်းအောင်လှိုင် စီမံထားတဲ့အတိုင်း သူတို့ရဲ့ အကြမ်းဖက်လွှတ်တော် ဥက္ကဋ္ဌ အဖြစ် ကြံ့ဖွတ်ပါတီ ဥက္ကဋ္ဌ ခင်ရီ သာ ဖြစ်လာပြီး မောင်မောင်အုန်းကတော့ အကြမ်းဖက် ပြည် သူ့လွှတ်တော် ဒုတိယဥက္ကဋ္ဌ ဖြစ်လာပြန်ပါတယ်။

မကွေးတိုင်း ၊ ထီးလင်းမြို့နယ် တိုက်ပွဲအတွင်း အကြမ်းဖက် စစ်တပ်ရဲ့ တပ်မ ၇၇ က ဒုတပ်မမှူး ဗိုလ်မှူးကြီး ဝင်းမောင်မောင် ဆိုသူ သေသွားပြီး စစ်တပ်က သူ့ကို သေပြီးမှပဲ ဗိုလ်မှူးချုပ်ရာထူးတိုးပေးပြီးတော့ စစ်အခမ်းအနားနဲ့ သဂြိုလ်ခဲ့ပြန်တယ်ဆိုပါတယ်။

တနင်္သာရီတိုင်း၊ မြိတ်-ထားဝယ် လမ်းပိုင်းမှာ အကြမ်းဖက် စစ်တပ်နဲ့ တော်လှန်ရေးတပ်တွေအကြား တိုက်ပွဲတွေ ဆက်လက်ဖြစ်ပွားနေတဲ့အတွက် ပြည်သူတွေအနေနဲ့ အဲ့ဒီ့လမ်းပိုင်းတွေကို လုံးဝမပြုလုပ်ဖို့ အသိပေးလိုတယ်လို့ ဒေသခံပြည်သူတွေ နဲ့ စစ်ရေးသတင်းမြစ်တွေက ရန်ကုန်ခေတ်သစ်ကို ဆက်သွယ်ပြောဆိုလာကြပါတယ်။

အရှေ့အလယ်ပိုင်းမှာ အမေရိကန်-အစ္စရေးနဲ့ အီရန်နိုင်ငံကြားဖြစ်ပွားနေတဲ့ စစ်ပွဲဟာ အပြန်အလှန် တိုက်ခိုက်မှုတွေနဲ့ ဆက်လက်တင်းမာနေပြီး အီရန်နဲ့ ဆွေးနွေးမှုတွေရှိပေမယ့် အီရန်က စစ်ပွဲရပ်စဲဖို့ အသင့်မဖြစ်သေးဘူးလို့ အမေရိကန်သမ္မတထရမ့်က ပြောကြားလိုက်သလို အီရန်ဘက်ကတော့ အမေရိကန်နဲ့ စကားပြောဖို့ အကြောင်းပြချက်မရှိတော့ဘူးလို့ ပြန်လည်တုံပြန်လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၆ ရက် ညနေပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

CRPH နှင့် အကြမ်းဖက်စစ်တပ်တို့က ဒီနေ့ မတ်လ ၁၆ ရက်နေ့ မနက် ၁၀ နာရီအချိန်မှာ တစ်ပြိုင်နက်တည်း လွှတ်တော်အစည်းအဝေးတွေ ခေါ်ယူကြပါတယ်။

မွန်ပြည်နယ်၊ ရေးမြို့နယ်မှာရှိတဲ့ စစ်တပ်ရဲ့ အမတ ၃၁၆ တပ်ရင်းစစ်ဆေးရေးဂိတ်ကို ရေးဘီလူးက ဝင်ရောက် တိုက်ခိုက်ခဲ့တာကြောင့် စစ်သား ၃ ဦး ပွဲချင်းပြီး သေဆုံးခဲ့တယ်လို့ ရေးဘီလူး တပ်ရင်းရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။

အကြမ်းဖက် စစ်တပ်က ၂ နှစ်ကျော်အတွင်း ပြည်သူ့ စစ်မှုထမ်း ဥပဒေနဲ့ အတင်းအဓမ္မ စစ်သားသစ် စုဆောင်းခဲ့တဲ့ လူငယ် ၁ သိန်းနီးပါး ရှိလာနေပြီး အများစုကို ရှေ့တန်းစစ်မြေပြင်တွေကို ပို့ဆောင်ခိုင်း နေတယ်လို့ မြန်မာ့စစ်ဘက်ရေးရာနှင့် လုံခြုံရေး ဆိုင်ရာ လေ့လာရေးအဖွဲ့ (MDSI) ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။

နေတိုးအဖွဲ့ဝင်နိုင်ငံတွေ အီရန်စစ်ပွဲမှာ မကူညီပါက အနာဂတ် အလွန်ဆိုးရွားသွားနိုင်တယ်လို့ အမေရိကန်သမ္မတထရမ့်က သတိပေးလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၆ ရက် နေ့လယ်ပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၆ ရက် မနက်ပိုင်း တင်ဆက်ပေးမယ့် သတင်းတွေကတော့

-စစ်အာဏာသိမ်းထားတဲ့မြန်မာနိုင်ငံမှာ လူသားချင်းစာနာမှုဆိုင်ရာ အကျပ်အတည်းတွေ ပိုပြီးဆိုးရွား လာ နေတာကိုဖြေရှင်းဖို့နဲ့ ဒီမိုကရေစီအရေးလှုပ်ရှားမှုတွေကို ကူညီပံ့ပိုးနိုင်ဖို့အတွက် လာမယ့် ၂၀၂၇ ဘဏ္ဍာရေးနှစ်မှာ အမေရိကန်ဒေါ်လာ ၁၂၁ သန်း လျာထားပေးဖို့ အမေရိကန်ကွန်ဂရက် လွှတ်တော်အမတ် ၁၄ ဦးက မတ်လ ၁၃ ရက်နေ့မှာ စုပေါင်းလက်မှတ်ရေးထိုးပြီး တိုက်တွန်း တောင်းဆိုလိုက်ပါတယ်။

တောင်သာမြို့နယ်၊ ကျောက်ပန်းတောင်း–မြင်းခြံလမ်းပိုင်းမှာ အင်အားဖြန့်ကျက်ပြီး နေရာယူထားတဲ့ စစ်တပ်စစ်ကြောင်းကိုတိုက်ခိုက်ခဲ့ရာမှာ စစ်သား ၁၂ ဦး သေဆုံးခဲ့တယ်လို့ ပြည်သူ့လွတ်မြောက်ရေး တပ်မတော် (PLA) ဘက်က ပြောပါတယ်။

မန္တလေးတိုင်းမှာ လက်ရှိအခက်အခဲအကျပ်အတည်းတွေ များစွာကြုံတွေ့နေရပေမယ့် စစ်အာဏာရှင်ကို တော်လှန်တဲ့လှုပ်ရှားမှု အောင်မြင်ပြီးဆုံးတဲ့အထိ ဆက်လက်ချီတက်ကြဖို့ PDF TRI ဗျူဟာဘက်က ကြေညာတိုက်တွန်းထားပါတယ်။

အမေရိကန်နဲ့ တရုတ်နိုင်ငံကြားက စီးပွားရေးတင်းမာမှုတွေကို လျှော့ချဖို့နဲ့ လာမယ့်မတ်လကုန်မှာ ပြုလုပ်မယ့် သမ္မတဒေါ်နယ်ထရမ့်ရဲ့ ပေကျင်းခရီးစဉ်အတွက် လမ်းခင်းပေးဖို့ရည်ရွယ်ပြီး နှစ်နိုင်ငံ စီးပွားရေးအကြီးအကဲတွေဟာ ပါရီမြို့မှာ တနင်္ဂနွေနေ့ကစပြီး ဆွေးနွေးပွဲတွေ စတင်လိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၆ ရက် မနက်ပိုင်း ရုပ်သံသတင်းအစီအစဉ် appeared first on Khit Thit Media.

ဒီကနေ့ မတ် ၁၅ ရက် ညနေပိုင်း တင်ဆက်ပေးမယ့် သတင်းတွေကတော့

မြောက်ပိုင်းညီနောင်မဟာမိတ်အဖွဲ့ဝင်တွေဖြစ်ကြတဲ့ တအာင်းတပ်မတော် (PSLF/TNLA) နှင့် ကိုးကန့်တပ်မတော် (MNDAA) တို့အကြား ရှမ်းပြည်နယ်မြောက်ပိုင်းမှာ စစ်ရေးတင်းမာမှုတွေ မြင့်တက်လာပြီး တိုက်ပွဲတွေ အပြင်းအထန်ဖြစ်ပွားနေရာ အဲ့ဒီပဋိပက္ခကို ဖြေရှင်းဖို့ တရုတ်နိုင်ငံရဲ့ ကြားဝင်စေ့စပ်မှုကို TNLA က တရားဝင်တောင်းခံလိုက်ပါတယ်။

-မြန်မာစစ်တပ်က ဦးစီးကျင်းပခဲ့တဲ့ ရွေးကောက်ပွဲ တွေဟာ လွတ်လပ်ပြီး တရားမျှတမှု လုံးဝမရှိဘဲ မြန်မာ့အရေးအတွက် အာဆီယံဘုံသဘောတူညီချက် ၅ ရပ်ကိုသာ ဆက်လက်ထောက်ခံသွားမယ်လို့ ဗြိတိန်နိုင်ငံ (UK) သံအမတ်ကြီး Eleanor Sanders က ပြောလိုက်ပါတယ်။

-မကွေးတိုင်း၊ သရက်မြို့နှင့် မန္တလေးတိုင်း၊ မိတ္ထီလာမြို့နယ်တို့မှာ အကြမ်းဖက်စစ်ကောင်စီတပ်က ပြည်သူတွေကို နေအိမ်နှင့် လုပ်ငန်းခွင်တွေအထိ ဝင်ရောက်ကာ ပေါ်တာဆွဲဖမ်းဆီးမှုတွေ အပြင်းအထန် လုပ်ဆောင်နေတယ်လို့ ဒေသခံပြည်သူတွေဆီကနေ သိရပါတယ်။

အမေရိကန်က ယူအေအီးနိုင်ငံထဲကနေတစ်ဆင့် အီရန်ကို တိုက်ခိုက်နေတယ်လို့ အီရန်က ပြောလိုက်တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။

The post Khit Thit သတင်းဌာန၏ မတ် ၁၅ ရက် ညနေပိုင်း ရုပ်သံသတင်းအစီအစဉ် appeared first on Khit Thit Media.