ရန်ကုန် ပြည်လမ်းနှင့် ထန်းပင်ကုန်းလမ်း ထောင့်ရှိ ယာဉ်ထိန်းရုံး ဖောက်ခွဲ တိုက်ခိုက်ခံရကာ စစ်ကောင်စီ တပ်ဖွဲ့ဝင် ၂ဦး ထိခိုက် ဒဏ်ရာရ(ရုပ်/သံ)

ရန်ကုန်၊ ဖေဖော်ဝါရီ ၂၂

ရန်ကုန်၊ အင်းစိန်မြို့နယ်ရှိ ပြည်လမ်းနှင့် ထန်းပင်ကုန်း လမ်းထောင့် ယာဉ်ထိန်းရုံးကို ယနေ့ ဖေဖော်ဝါရီလ ၂၂ ရက်နေ့ ည၇နာရီခန့်တွင် ပြည်သူ့ကာကွယ်ရေး တပ်ဖွဲ့ ၂ဖွဲ့က ဗုံးခွဲ တိုက်ခိုက်ခဲ့ပြီး ကင်းပုန်းဝတ်နေသည့် စစ်ကောင်စီ တပ်ဖွဲ့ဝင် ၂ဦး ထိခိုက်ဒဏ်ရာရရှိခဲ့ကြောင်း သိရသည်။

အဆိုပါ တိုက်ခိုက်မှုကို ပြည်သူ့ကာကွယ်ရေး တပ်ဖွဲ့များဖြစ်သော ပျာက်ကျား RUS နှင့် Freedom Ranger တပ်ဖွဲ့တို့က ပူးပေါင်း လုပ်ဆောင်ခဲ့ခြင်းဖြစ်ပြီး ဗုံး ၂ လုံး ဖောက်ခွဲခဲ့သော်လည်း ဗုံး ၁ လုံးသာ ပေါက်ကွဲခဲ့ခြင်း ဖြစ်ကြောင်း သိရသည်။