တန့်ဆည်တွင် စစ်တပ် ဝင်ရောက် မီးရှို့ဖျက်ဆီးခဲ့သော ရွှေကျင်ရွာ ရွာလုံးကျွတ် ပြာကျ

ရန်ကုန်၊ မတ် ၃

စစ်ကိုင်းတိုင်း တန့်ဆည်မြို့နယ် ရွှေကျင်ရွာကို အကြမ်းဖက် စစ်ကောင်စီ တပ်ဖွဲ့များက မတ်လ ၂ရက်နေ့တွင် ဝင်ရောက် စီးနင်းခဲ့ပြီး ရွာလုံးကျွတ် မီးရှို့ဖျက်ဆီးသွားကြောင်း ဒေသခံပြည်သူများက ရန်ကုန် ခေတ်သစ် ဌာနသို့ ပြောဆိုသည်။

အဆိုပါ ရွှေကျင်ရွာသည် ရွာငယ်လေး တစ်ရွာဖြစ်ပြီး အိမ်ခြေ ၄ဝကျော်ခန့်ရှိကာ အကြမ်းဖက် စစ်ကောင်စီ တပ်ဖွဲ့များက ရွာလုံးကျွတ် မီးရှို့ဖျက်ဆီးခဲ့ခြင်းဖြစ်ကြောင်း သိရသည်။

” အဲရွာက ရွာငယ်လေး တစ်ရွာပေါ့။ NLD အစိုးရလက်ထက်မှာမှ ကျေးရွာအဖြစ် သတ်မှတ်ခံရတာ အခုတော့ ရွာလုံးကျွတ်ကို စစ်ခွေးတွေက မီးရှို့ဖျက်ဆီးသွားတယ်။ ဘာပစ္စည်းမှကို ပြန်မရဘူး။ ပြာပဲကျန်တယ်” ဟု ဒေသခံပြည်သူ တစ်ဦးကပြောဆိုသည်။

Photo – Taze News