ရန်ကုန်၊ မတ် ၁၈
ကရင်နီပြည်နယ်၊ ဒီးမော့ဆိုမြို့နယ်တွင် PDF ပူးပေါင်းတပ်ဖွဲ့များ၏ တိုက်ခိုက်မှုကြောင့် စစ်ကောင်စီတပ်ဖွဲ့မှ အရာရှိအပါအဝင် ၆ ဦး သေဆုံးကြောင်း အလယ်ပိုင်းတိုင်း အထူးစစ်ဆင်ရေးအဖွဲ့က သတင်းထုတ်ပြန်သည်။
မတ်လ ၁၇ ရက်နေ့ ဒီးမောဆိုမြို့နယ် အိုးခူးရီးရွာတွင် တပ်စွဲ ထားသောအကြမ်းဖက်စစ်ကောင်စီတပ်များကို အလယ်ပိုင်းတိုင်း အထူးစစ်ဆင်းရေးစနိုက်ပါအဖွဲ့နှင့်လွိုက်ကော် PDF စနိုက်ပါအဖွဲ့တို့က ပူးပေါင်းတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၆ ဦးသေဆုံးကြောင်း သိရှိရသည်။
စနိုက်ပါအဖွဲ့၏ပစ်ခတ်မှုကြောင့် သေဆုံးသွားသော စစ်ကောင်စီတပ်ဖွဲ့ဝင် ၆ ဦးတွင် အရာရှိတစ်ဦးပါဝင်အလောင်းကို ရဟတ်ယာဉ်ဖြင့်လာရောက်သယ်ဆောင်သွားကြောင်း သိရှိရသည်။
ဓာတ်ပုံ- PDF တပ်ဖွဲ့ဝင်များ။
