By ရန်ကုန်ခေတ်သစ်
ဒီကနေ့ မတ်လ ၁၉ ရက် ညနေပိုင်းရရှိထားတဲ့ သတင်းတွေကတော့
– ကချင်ပြည်နယ်၊ ဟိုပင်မြို့၊ နန့်ရင်းချောင်းအနီး၊ နန့်မြန်းကျေးရွာအနီးမှာ ဒီကနေ့ မနက် ၇ နာရီခွဲက စပြီး အကြမ်းဖက်စစ်ကောင်စီတပ် နဲ့ ကချင်လွတ်လပ်ရေးတပ်မတော် KIA၊ PDF ပူးပေါင်းတပ်ဖွဲ့ တွေကြား တိုက်ပွဲပြင်းထန်နေတယ်လို့ သိရပါတယ်။
-အကြမ်းဖက်စစ်တပ်ရဲ့ ဒုတိယ ခေါင်းဆောင် စိုးဝင်းက လက်ရှိမှာ စစ်တပ်ဟာ ဖြိုခွဲခံနေရတယ်လို့ မနေ့က ရှမ်းပြည်နယ်၊ ကလော-တပ်နယ် တွေ့ဆုံပွဲမှာ ပြောဆိုလိုက်တာပါ။
– စစ်ကိုင်းတိုင်း၊ ယင်းမာပင်-ဆားလင်းကြီး ရွာပေါင်းစုံ ၃၇၄ ရက်မြောက် သပိတ်စစ်ကြောင်းဟာ ဖိနှိပ်ခံအလုပ်သမားတွေကို ဝန်ရံကြ ၊ စစ်အာဏာရှင်စနစ်ကို အမြစ်ဖျက်ကြ ဆိုတဲ့စာတန်းတွေကို ကိုင်ဆောင်ပြီး ကြွေးကြော်သံတွေနဲ့အတူ ချီတက်ဆန္ဒပြခဲ့ကြပါတယ်။
