ရန်ကုန်တွင် “သာတူညီမျှသော လူ့ဘောင်သစ်ဆီသို့”ကြွေးကြော်သံဖြင့် ချီတက်ပြီး စစ်အာဏာရှင်က သတ်မှတ်ထားသော နိုင်ငံအလံကို မီးရှို့

ရန်ကုန်၊ မတ် ၂၅

ဗမာ့လူငယ်ကွန်ရက် သပိတ်ကော်မတီက ယနေ့တွင် ပျောက်ကြားဆန္ဒပြပွဲတခုကို စစ်တပ်၏ တင်းကျပ်သော အဖမ်းအဆီးများကြားမှပင် အောင်မြင်စွာ ကျင်းပပြုလုပ်သည်။

“သာတူညီမျှသော လူ့ဘောင်သစ်ဆီသို့” ကြွေးကြော်သံအတိုင်း ဗလကသည် လက်ရှိ Food panda ဝန်ထမ်းများ၏ အလုပ်သမားရပိုင်ခွင့် တောင်းဆိုမှုများမှသည် ဖြစ်ပျက်လျက်ရှိသော မည်သည့် မညီမျှမှု၊ မမျှတမှု အားလုံးကိုမဆို လုံးဝလက်သင့်မခံဘဲ အာဏာရှင်စနစ်နှင့်အတူ တပြိုင်နက်တည်း တွန်းလှန်သွားမည်ဖြစ် ကြောင်း ဆန္ဒပြုလိုက်သည်။