By ရန်ကုန်ခေတ်သစ်
ဒီကနေ့ ဧပြီ ၉ ရက် ညနေပိုင်း ရရှိထားတဲ့သတင်းတွေကတော့
– မကွေးတိုင်း၊ပေါက်မြို့နယ်မှာ အဖမ်းခံရပြီး သေဆုံးသွားတဲ့ စစ်တပ်ဗိုလ်ကြီးရဲ့ ၃ ပွင့်အရာရှိ ပခုံး တံဆိပ်ကို အတွင်းခံဘောင်းဘီမှာ တပ်ဆင်ပြီး PDF ဗိုလ်တစ်ဦးက ဝတ်ဆင်ထားတယ်လို့ PDF ရဲဘော်တချို့ဆီက သိရပါတယ်။
– မုံရွာမြို့က စစ်တပ်အလိုကျ ဘဏ်အကောင့်တွေကို ပိတ်ပင်တဲ့ KBZ ဘဏ်၊ စစ်ကောင်စီတပ်တွေ စစ်ဆေးနေတဲ့ ကျောက္ကာလမ်းမီးပွိုင့်နှင့် စစ်ကောင်စီတပ်တွေ တပ်စွဲထား နေရာတွေကိုသာ ဦးတည် ပစ်မှတ်ထားတိုက်ခိုက်တာဖြစ်ပြီး ၊ ပြည်သူတွေကို လုံး၀ ထိခိုက်မှုမရှိအောင် စီမံတိုက်ခိုက်တာဖြစ် တယ်လို့ မုံရွာမြို့ပြပျောက်ကြားအဖွဲ့တွေဆီကနေ သိရပါတယ်။
– စစ်ကိုင်းတိုင်း၊ ကလေးမြို့ပေါ် က ရပ်ကွက် ၄ ခုမှာ ဒေသ PDF တွေနဲ့ အကြမ်းဖက် စစ်ကောင်စီတပ်တွေ ဒီကနေ့မှာ တိုက်ပွဲ ဖြစ်ပွားနေတယ်လို့ ဒေသခံတွေက ရန်ကုန်ခေတ်သစ်ကို ပြောပါတယ်။
– မန္တလေးမြို့ပေါ်မှာ တော်လှန်ရေးရဲဘော်တွေကို စစ်တပ်က ပိတ်ဆို့ ပစ်ခတ် ဖမ်းဆီးမှုတွေ လုပ်ဆောင်နေပြီး ၂ ဦးထက်မနည်း ကျည်ထိမှန်ထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
