ရန်ကုန်၊ ဧပြီ ၂၂
မန္တလေးမှ စစ်ကိုင်းဘက်သို့ ရဲအင်အား ၂၀၀ နီးပါးကို ယနေ့ နံနက်ပိုင်း ပို့ ဆောင်ပြီး ရဲယာဉ်တန်းများ ဖြတ်သန်းနေကြောင်း ဒေသခံများက ရန်ကုန်ခေတ်သစ်သတင်းဌာနသို့ သတင်းပေးပို့သည်။
“ဒီမနက် ၉ နာရီ ၄၀ မိနစ်အချိန် စစ်ကိုင်း မြစ်ငယ်လမ်းကို ရဲယာဉ်တန်း ဖြတ် သန်းပါတယ်။ သံချပ်ကာ ကား ၁၀ စီး၊ Double Cab ၄ စီး၊ Faw ကား ၁၀ စီး စုစုပေါင်း ၂၄ စီးပါတယ်။ အကုန် ရဲယူနီဖောင်းတွေချည်းပါပဲ။မန္တလေးဘက်ကလာတာ” ဟု ဒေသခံတစ်ဦးက ပြောဆိုသည်။
ယမန်နေ့ညပိုင်းက အဆိုပါ ရဲအင်အား ၂၀၀ နီးပါးကို ဘုန်းကြီးတစ်ခုနှင့် စာသင်ကျောင်းများတွင် စုစည်းထားရှိခဲ့ပြီး ရိက္ခာများစုဆောင်းခြင်းနှင့် တာလပတ်အုပ်ထားသော ကုန်တင်ကားများ တပ်စွဲထားသော နေရာများသို့ အဝင်အထွက်များပြားကြောင်း သိရှိရသည်။
ဓာတ်ပုံ- အကြမ်းဖက်စစ်ကောင်စီလက်ကိုင်တုတ် ရဲတပ်ဖွဲ့ဝင်များ။ (ပုံအဟောင်းဖြစ်ပါသည်)
Photo-Shutterstock
