မုံရွာတွင် S&C မီးဘေး၊ စစ်ဘေး၊ ပညာရေး ကူညီစောင့်ရှောက်ရေးအဖွဲ့က စားဝတ်နေရေးခက်ခဲသော ပြည်သူများထံသို့ ဆန်နှင့် ကြက်ဥများ လှူဒါန်း

ရန်ကုန်၊ ဩဂုတ် ၂၇

စစ်ကိုင်းတိုင်း၊ မုံရွာမြို့တွင်းရှိ စားဝတ်နေရေး အခက်အခဲရှိသော ပြည်သူများထံသို့ S&C မီးဘေး၊ စစ်ဘေး၊ ပညာရေးကူညီစောင့်ရှောက်ရေးအဖွဲ့က တစ်အိမ်ထောင်လျှင် ဆန်တစ်ပြည်၊ ကြက်ဥ ၁၀ လုံးစီဖြင့် အိမ်ထောင်စု ၂၀၀ စာအတွက် ယနေ့ ဩဂုတ်လ ၂၇ ရက် နံနက်တွင် လှူဒါန်းပေးခဲ့ကြောင်း သတင်းရရှိသည်။

လက်ရှိတွင် မြန်မာနိုင်ငံတွင်း၌ ကုန်ဈေးကုန်စျေးနှုန်းကြီးမြင့်နေမှုများကြောင့် အခြေခံလူတန်းစားများ၏ အကြပ်အတည်းအတွက် အနည်းငယ် အဆင်ပြေနိုင်စေရန် ရည်ရွယ်၍ လှူဒါန်းခြင်းဖြစ်ကြောင်း သိရှိရသည်။