NUG ထောက်ခံရေးနှင့် ဦးကျော်မိုးထွန်းကို ကုလသံအမတ်အဖြစ် ဆက်ထားရေး လောင်းရှည်ပြည်သူ ၁၀၀၀ ဝန်းကျင် ချီတက်
ရန်ကုန်၊ စက်တင်ဘာ ၁၁
မကွေးတိုင်း၊ လောင်းရှည်မြို့တွင် စက်တင်ဘာ ၁၁ ရက်နေ့အမျိုးသားညီညွတ်ရေးအစိုးရ NUG ထောက်ခံပွဲနှင့် စစ်အာဏာရှင် ဆန့်ကျင်ရေး လှုပ်ရှားမှုကို ပြည်သူ့ကာကွယ်ရေးတပ်ဖွဲ့ လောင်းရှည်ဒေသ (LSRPDF) မှ လုံခြုံရေး ဆောင်ရွက်ပြီး ပူးပေါင်းပါဝင်ကြသည်။
ချီတက်ပွဲကို လောင်းရှည် ဒေသ ပြည်သူများ တစ်ထောင် ဝန်းကျင်ခန့် ပါဝင် ခဲ့ကြကြောင်း၊ ယခုကဲ့သို့ လူထုနှင့်အတူ တသားတည်း ရပ်တည် လှုပ်ရှားခဲ့ရပြီး လူထုအား နှင့် အမှန် တရားအတွက်ရပ်တည် နေခြင်းကား ဖက်ဒရယ် ဒီမိုကရေစီ တည်ဆောက်ခြင်း ပန်းတိုင်ခရီးကို အရောက်လှမ်းတော့မည်ဖြစ်ကြောင်း ပြည်သူများက ဆိုကြသည်။