Khit Thit သတင်းဌာန၏ စက်တင်ဘာ ၂၃ ရက် နေ့လယ်ပိုင်း ရုပ်သံသတင်းအစီအစဉ် 

Khit Thit သတင်းဌာန၏ စက်တင်ဘာ ၂၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ စက်တင်ဘာ ၂၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ – ကချင်ပြည်နယ်၊ ရွှေကူမြို့နယ်၊ မိုးစစ်-ကျေးရွာ နဲ့ ရေလဲ- ကျေးရွာကို စက်တင်ဘာလ ၂၂ ရက်နေ့ ညနေ ပိုင်းမှာ အကြမ်းဖက် စစ်ကောင်စီတပ်က လက်နက်ကြီးတွေနဲ့ ပစ်ခတ်တဲ့အတွက် ၂ တန်းကျောင်းသား ကလေးငယ် မောင်ဇွဲနိုင်မိုး ကျည်ထိမှန် သေဆုံးသွားတယ်လို့ ဒေသခံတွေဆီကနေ သိရပါတယ်။ – မန္တလေးတိုင်း၊ တောင်သာမြို့နယ်မှာ စစ်ကောင်စီခန့် အုပ်ချပ်ရေးမှူး ထွန်းအောင်ကျော်က စစ်တပ်က ထုတ်ပေးထားတဲ့ လက်နက်နဲ့ PDF တပ်တွေကို ပစ်ခတ်ပေမယ့်လည်း နောက်ဆုံးမှာ မနိုင်ဘဲ နေရာမှာတင် ပွဲချင်းပြီး သေသွားတယ်လို့ သိရပါတယ်။ – ရန်ကုန်တိုင်း၊ မရမ်းကုန်းမြို့နယ် ၃ ရပ်ကွက်မှာ စစ်ကောင်စီခန့်ရာအိမ်မှုး၊ သတင်းပေး ဒလန် ဆိုပြီး နာမည်ထွက်နေသူ ၊ မူးယစ်ဆေးဝါးရောင်းတဲ့ ဇွဲသူ ဆိုသူဟာ စက်တင်ဘာလ ၂၂ ရက်နေ့ နေ့လည်ပိုင်းမှာ ပစ်ခတ်ရှင်းလင်း ခံရပြီး သေဆုံးသွားတဲ့သတင်းအပါအဝင် နောက်ဆုံးရ သတင်း တွေကို တင်ဆက်ပေးပါမယ်။