ဝက်လက် ဒေသတွင် ကျောင်းသားထု အစည်းအဝေးနှင့် စစ်အာဏာရှင် တော်လှန်ရေး ဟောပြောပွဲ ပြုလုပ်
ရန်ကုန်၊ ဒီဇင်ဘာ ၂၄
ဝက်လက်ဒေသတွင် ဗကသများ အဖွဲ့ချုပ် ဗဟိုစည်းရုံးရေး ကော်မတီမှ ဦးဆောင်ပြီး ယနေ့ ဒီဇင်ဘာလ ၂၄ ရက်နေ့တွင် ကျောင်းသားထု အစည်းအဝေးနှင့် စစ်အာဏာရှင် တော်လှန်ရေး ဟောပြောပွဲ ပြုလုပ်ခဲ့ကြောင်း သိရသည်။
“စစ်ကိုင်းဒေသမှာ ရှိတဲ့ အခြေခံပညာ ကျောင်းသား လူငယ်တွေကို စစ်အာဏာရှင် ဆန့်ကျင်ရေးနဲ့ ကျောင်းသားသမဂ္ဂတွေရဲ့ သမိုင်းအစဥ်အလာ အကြောင်းအရာတွေနဲ့ လက်ရှိလုပ်ကိုင် ဆောင်ရွက်နေကြတဲ့ လုပ်ငန်းစဉ်တွေ၊ ရှေ့လျှောက် လုပ်ဆောင်မယ့် နိုင်ငံရေးပညာရေး လုပ်ငန်းစဉ်တွေကို အတူပူးပေါင်း လုပ်ဆောင်နိုင်ဖို့အတွက် ဟောပြော စည်းရုံးခဲ့ကြပြီးတော့ အခြေခံပညာကျောင်းသားသမဂ္ဂတရပ်ကို ဒီမိုကရေစီနည်းတကျဖွဲ့စည်းပေးခဲ့တာလည်းဖြစ်ပါတယ်” ဟု ဗကသ ကျောင်းသား တစ်ဦးက ပြောဆိုသည်။
