ယင်းမာပင်မြို့နယ်ရှိ NUG အစိုးရ လမ်းညွှန်မှုဖြင့် ဖွင့်လှစ်ထားသော ကျောင်းများ၌ ကျန်းမာရေး ဆိုင်ရာ ဟောပြောပွဲများ ပြုလုပ်
ရန်ကုန်၊ ဇန်နဝါရီ ၁၆
ယင်းမာပင်မြို့နယ်အတွင်းရှိ အမျိုးသားညီညွတ်ရေး အစိုးရ လမ်းညွှန်မှုဖြင့် ဖွင့်လှစ်ထားသော ကြားကာလ ပညာရေး ကျောင်းတစ်ကျောင်း၌ စစ်ကိုင်းတိုင်း ယင်းမာပင် ဆားလင်းကြီး ရွာပေါင်းစုံသပိတ် ကော်မတီက ဦးဆောင်ကာ ကျန်းမာရေး ဆိုင်ရာ ဟောပြောပွဲများ ပြုလုပ်ခဲ့ကြောင်း သိရသည်။
ကျန်းမာရေးဆိုင်ရာ ဟောပြောပွဲများအပြင် အမျိုးသားညီညွတ်ရေးအစိုးရ ကျန်းမာရေး ဝန် ကြီးဌာနနှင့် AVSC Medical Teamတို့ ပူးပေါင်းပြီး မူလတန်း ကလေးငယ်များအား သံချဆေးတိုက်ကျွေးပြီး အပျိုဖော်ဝင် အမျိုးသမီးငယ်များအား သံဓာတ်အားတိုးဆေးများ တိုက်ကျွေးခဲ့ကြောင်း သိရသည်။
