ဆားလင်းကြီး၊ သံဖြူဇရပ်နှင့် ညောင်လေးပင်တွင် စစ်တပ် စစ်ကြောင်းကို PDF တပ်ဖွဲ့များ မိုင်းဆွဲ ပစ်ခတ် တိုက်ခိုက်မှု စစ်သား ၁၀ ဦးသေဆုံး
ရန်ကုန်၊ ဖေဖော်ဝါရီ ၃
စစ်ကိုင်းတိုင်း၊ ဆားလင်းကြီးမြို့နယ်တွင် အကြမ်းဖက် စစ်တပ် စစ်ကြောင်းကို မိုင်းဆွဲ တိုက်ခိုက်မှု စစ်သား ၇ ဦးသေဆုံးခဲ့ကြောင်း ဓားမဆိုင်းတပ်မတော်မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဖေဖော်ဝါရီလ ၃ ရက်နေ့တွင် နံနက် ၈ နာရီ ဝန်းကျင်တွင် အောင်ချမ်းသာ ကျေးရွာမှ တစ်ဆင့် ဆားလင်းကြီးမြို့ပေါ်သို့ စစ်ကြောင်းထိုးလာသော အကြမ်းဖက် စစ်တပ်ကို ယင်းမာပင်ခရိုင် အမှတ် ၂၈ တပ်ရင်း ဓားမဆိုင်းတပ်မတော်က ပဒေသာမိုင်း ၃ ပွိုင့် ထားကာ မိုင်းဆွဲ တိုက်ခိုက်ခဲ့ပြီး စစ်သား ၇ ဦး သေဆုံးခဲ့ကြောင်း သိရသည်။
“၂ ရက်နေ့က ပုလဲမြို့နယ်ကနေ ထွက်လာတဲ့ အင်အား ၁၅၀ ပါတဲ့ ခွေးစစ်ကြောင်းက ဆားကြီးမြို့နယ်ထဲမှာရှိတဲ့ ကျိုင့်ခမောက် ကျေးရွာကို ဝင်ရောက်ပြီး ကံကြီးတောကျေးရွာက ပြည်သူပိုင် နေအိမ်တွေကို ဖျက်စီးပြီး ဆားလင်းကြီးဘက်ကို စစ်ကြောင်း ထိုးလာအုန်း ဖောက်ခွဲ တိုက်ခိုက်ခဲ့တာ စစ်သား ၇ ဦးသေတယ်” ဟု ဓားမဆိုင်းတပ်မတော်မှ တာဝန်ရှိသူ တစ်ဦးက ပြောဆိုသည်။
ထို့ပြင် မွန်ပြည်နယ်၊ သံဖြူရပ်မြို့နယ်၊ သံဖြူဇရပ်-ရေးလမ်းပိုင်းတွင် အကြမ်းဖက်စစ်သားများ တိုက်ခိုက်ခံရပြီး အကြမ်းဖက်စစ်သား ၃ ဦးသေဆုံးခဲ့ကြောင်း တောင်ညိုပြည်သူ့ပြောက်ကျားတပ်ဖွဲ့ထံမှ သိရသည်။
ဖေဖော်ဝါရီလ ၂ ရက် နံနက် ၈ နာရီခန့်က ရေးမြို့မှ သံဖြူဇရပ်ဘက်သို့ ယာဉ်တန်းဖြင့် လာ ရောက်သည့် အကြမ်းဖက်စစ်သားများကို လုံခြုံရေးယူပေးရန် ရေးမြို့နယ်၊ အောင်သပြေရွာအနီး ကင်း ပုန်းဝပ်နေသော အကြမ်းဖက် စစ်သားများကို တောင်ညို ပြည်သူ့ပြောက်ကျားတပ်ဖွဲ့မှ စနိုက်ပါဖြင့် ပစ်ခတ်ခဲ့ရာ စစ်သား ၁ ဦးသေဆုံး ပြီး ၃ ဦးဒဏ်ရာရရှိခဲ့ကြောင်း သိရသည်။
မွန်းလွဲ ၁၁ နာရီခန့်တွင် ရေးမြို့မှ သံဖြူဇရပ်ဘက်သို့ သွားသည့် အကြမ်းဖက်စစ်ကား ၈ စီးပါယာဉ်တန်းကို အေးကမ္ဘာရွာအနီးတွင် တောင်ညိုပြည်သူ့ပြောက်ကျားတပ်ဖွဲ့မှ ချုံခိုပစ်ခတ် တိုက် ခိုက် ခဲ့ရာ စစ်ကား ၁ စီးပျက်စီးပြီး အကြမ်းဖက်စစ်သားများလည်း ထိခိုက်သေဆုံးမှုရှိခဲ့ကြောင်း သိရ သည်။
မွန်းလွဲ ၁၂ နာရီခန့်တွင် သံဖြူဇရပ်မြို့နယ်၊ ကလိန်ပဒေါရွာနှင့် ကျုံမထီးရွာကြားတွင် အကြမ်း ဖက်စစ်ကား ၄ စီးကို တောင်ညိုပြည်သူ့ပြောက်ကျားတပ်ဖွဲ့မှ ၃ ကြိမ်မိုင်းဆွဲပြီး ချုံခိုပစ်ခတ်တိုက်ခိုက် ခဲ့ရာ စစ်ကား ၁ စီး ထပ်မံ ပျက်စီးပြီး စစ်သား ၂ ဦးသေဆုံးခဲ့ကြောင်း သိရသည်။
အလားတူ ပဲခူးတိုင်း၊ ညောင်လေးပင်မြိုနယ်၊ တော်ဝိကျေးရွာ ဘူတာရုံကင်းစခန်းရှိ အကြမ်းဖက်စစ်သားများနှင့် ထောက်တိုင် ပျူစောထီးများကို ဖေဖော်ဝါရီလ ၂ ရက် ညနေ ၆ နာရီ မိနစ် ၅၀ က M79 ဖြင့် တစ်ချက် ပစ်ခတ်တိုက်ခိုက်ခဲ့ကြောင်း Bago Region PDF ထံမှ သိရသည်။
အဆိုပါတိုက်ခိုက်မှုကို ညောင်လေးပင်မြိုနယ်ပကဖက နန်းထိုက်အောင်စစ်ဆင်ရေးအဖြစ်ပစ်ခတ်တိုက် ခိုက်ခဲ့ခြင်းဖြစ်ပြီး အကြမ်းဖက်စစ်သား ထိခိုက်သေဆုံးမှုနှင့်ပတ်သက်၍ အတည်ပြုစုံစမ်းနေဆဲဖြစ် ကြောင်း၊ ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိပြန်လည်ဆုတ်ခွာနိုင်ခဲ့ကြောင်း သိရသည်။
