စစ်အာဏာရှင်ပြုတ်ကျရေး ပိုမိုအရှိန်မြှင့် လုပ်ဆောင်ပေးကြပါရန် အကျဉ်း ထောင် အတွင်းမှ နိုင်ငံရေး အကျဉ်းသားများက မေတ္တာရပ်ခံ
ရန်ကုန် ၊ဖေဖော်ဝါရီ ၂၂
မြန်မာနိုင်ငံတစ်ဝန်းမှ ပြည်သူများ၊ တိုင်းရင်းသားညီအစ်ကိုမောင်နှမများအနေ ဖြင့် စစ်အာဏာရှင်ပြုတ်ကျရေးအတွက် ယခုထက်ပိုမိုအရှိန် မြှင့်လုပ်ဆောင်ပေးကြပါရန် မြေလတ်ထောင်တွင်း နိုင်ငံရေး ထောင်တွင်းနိုင်ငံရေးအကျဉ်းသား အင်အားစုများက မေတ္တာရပ်ခံလိုက်သည်။
ယနေ့ဖေဖော်ဝါရီလ ၂၂ ရက်နေ့တွင် ကျရောက်သော ၂ ငါးလုံး နွေဦးတော်လှန် ရေး ၂ နှစ်ပြည့်အထိမ်းအ မှတ် သဘောထားထုတ်ပြန်ရာတွင် ထည့်သွင်းထားခြင်းဖြစ်ကြောင်း သိရသည်။
မြေလတ်နိုင်ငံရေးအကျဉ်းသား အင်အားစုများ အနေဖြင့် ပြည်သူနှင့်အတူ ပခုံးပေါ်ကျရောက်လာသည့် အာဏာရှင် အမြစ်ပြတ်ချေမှုန်းရေး လက်ဆင့်ကမ်းသမိုင်းအမွေကို နွေဦးတော်လှန်ရေး အဖြစ်ခံယူ တည်ဆောက်ကာ ကြံ့ကြံ့ခံတော်လှန်ရေး အောင်ပွဲဆင်နွှဲခဲ့သည်မှာ ယနေ့ဆိုလျှင် ၂ နှစ်ပြည့်မြောက်ခဲ့ပြီ ဖြစ်ကြောင်း၊ အာဏာရှင်တို့အနေဖြင့် ရုပ်ခန္ဓာကိုသာ ထိန်းချုပ် အကျဉ်းချ၍ ဖျက်ဆီးနိုင်မည်ဖြစ်ပြီး လူ့အခွင့်အရေး၊ ဒီမိုကရေစီနှင့်ဖက်ဒရယ်အရေးတို့ အပေါ်ထားရှိသည့် ရည်မှန်းချက်ပန်းတိုင်ကို မည်သို့ မျှ နှောင့်ယှက်ဟန့်တား၍ မရသည်ဆိုသည်မှာ ယခုအခါ ပိုမိုပေါ်လွင်လာပြီဖြစ်ကြောင်း မြေလတ် ထောင်တွင်း နိုင်ငံရေး ထောင်တွင်းနိုင်ငံရေးအကျဉ်းသား အင်အားစုများက ပြောကြားသည်။
အာဏာရှင်တို့၏ လူမျိုးတုန်းသတ်ဖြတ်မှုများ ၊ စစ်ရာဇဝတ်မှုများ၊ လူသားဆန့်ကျင်ရာဇဝတ်မှုများ၊ ရွာ လုံးကျွတ် မီးရှို့မှုများကို ကြံ့ကြံ့ခံရပ်တည်၍ ဆက်လက်တော်လှန် ပုန်ကန်နေသော CDM ဝန်ထမ်းများ၊ ပြည်သူလူထု၏ လိုလားချက်၊ ဖက်ဒ ရယ် ဒီမိုကရေစီ ပန်းတိုင်အတွက် ကမ္ဘာနိုင်ငံအချို့၏ မျက် ကွယ် ပြုမှုအောက်တွင် ရရာလက်နက်စွဲ ကိုင် ရင်း တိုက်ပွဲဝင်နေသော ရဲဘော်အပေါင်း၊ မြန်မာနိုင်ငံ၏ သမိုင်း တွင် ချုပ်ဆိုခဲ့သော ပင်လုံစာချုပ်ပြီးလျှင် ညီညွတ်မှုအရှိဆုံးသော စည်းလုံးမှုကို ပြသနိုင်သည့် NUG အစိုးရနှင့် EAO တိုင်းရင်းသားလက်နက်ကိုင်များအားလုံးကို လေးစားစွာ ဦးညွတ်ပါသည်ဟု ဆိုသည်။
အခြေအနေအရ နိုင်ငံတကာအသီးသီးသို့ ရောက်ရှိနေကြသော တိုင်းရင်းသားညီအစ်ကိုမောင်နှမအနေ ဖြင့်လည်း တရားမဝင် စစ်ကောင်စီ ပြုတ်ကျရေးအတွက် လက်ရှိအဟုန်ထက်ပို အရှိန်မြင့်လုပ်ဆောင် ပေးပါရန် မေတ္တာရပ်ခံတိုက်တွန်းအပ်ပါကြောင်း၊ ခေတ်အဆက်ဆက် မြန်မာပြည်သူလူထု၏ လူ့အခွင့် အရေး၊ ဒီမိုကရေစီရရှိရေး၊ တရားမျှတမှုရရှိရေး တို့အတွက် စွန့်လွှတ် ပေးလှူခဲ့ရသည့် အသက်များ၊ ဘဝများအပေါ် စာနားလည်ထောက်ခံပေးခဲ့သော သူများသည် ကမ္ဘာ့သမိုင်းတွင် မှတ်တမ်းတင်လိမ့် မည်ဖြစ်ကြောင်း မြေလတ်ထောင်တွင်းနိုင်ငံရေးအကျဉ်းသားများ အင်အားစုများက သဘောထား ထုတ်ပြန်ကာ တောင်းဆိုလိုက်ကြောင်း သိရသည်။
မြေလတ်ထောင်တွင်းနိုင်ငံရေးအကျဉ်းသားများ အင်အားစုများ အနေဖြင့် လူ့အခွင့်အရေး နှင့်ဖက်ဒရယ် ဒီမိုကရေစီ အရေးအပေါ် တန်ဖိုးထားပြီး ပြည်သူလူထု ပြည်သူလူထုလိုလားသော လူ့အခွင့်အရေးနှင့် ဖက်ဒရယ်ပြည်ထောင်စုကြီး တည်ဆောက်နိုင်သည်အထိ သက်ဆုံးတိုင်ကြိုးပမ်းဆောင်ရွက်သွား မည် ဖြစ်ကြောင်း ကတိသစ္စာပြုကြောင်း မြေလတ်ထောင်တွင်း နိုင်ငံရေး ထောင်တွင်းနိုင်ငံရေးအကျဉ်းသား အင်အားစုများက ပြောဆိုလိုက်သည်။
