ဆိပ်ဖြူဘာမထီတပ်ဖွဲ့ အပတ်စဥ် ၆ အခြေခံစစ်ပညာသင် တန်းဆင်းပွဲ ကျင်းပ
ရန်ကုန်၊ ဖေဖော်ဝါရီ ၂၂
မကွေးတိုင်းအခြေစိုက် ဆိပ်ဖြူဘာမထီ တပ်ဖွဲ့ အခြေခံ စစ် ပညာ သင်တန်းဆင်းပွဲ အခမ်းအနားကို ဖေဖော်ဝါရီလ ၁၇ ရက်နေ့က ကျင်းပခဲ့ကြောင်း တပ်ဖွဲ့တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
အဆိုပါ သင်တန်းတွင် သင်တန်းသူ/သား ရဲဘော် ၃၀ ခန့်တက်ရောက်ခဲ့ပြီး တစ်လခန့်အကြာ အခြေခံစစ်ပညာ၊ နိုင်ငံရေးပညာများကို သင်ကြားပေးခဲ့ကြောင်း၊သင်တန်းပြီးဆုံးပြီးနောက်ကျမ်းသစ္စာကျိန်ဆိုခြင်း၊ ပြည်သူများမှ ထောက်ပံ့ပေးသော ရိုင်ဖယ် ၃ လက်အား ထူးချွန်ရဲဘော်များကို ပေးအပ်ခြင်း၊ ကိုယ်စီ တာဝန်ဝေပေးအပ်ခြင်းတို့ လုပ်ဆောင်ခဲ့ကြောင်း သိရသည်။
