၇၀ ရာခိုင်နှုန်း၊ ၈၀ ရာခိုင်နှုန်း စိုးမိုးထားနိုင်ပြီဖြစ်ပါတယ်။ မြို့ပေါ်လောက်ပဲ သူတို့ စိုးမိုးထားနိုင်ပြီး တော့ ကျေးလက်တွေမှာ တော်လှန်ရေးအဖွဲ့တွေ အားလုံးက စိုးမိုးထားနိုင်တယ်။ သူတို့သွားချင်သလိုသွား လုပ်ချင်သလိုလုပ်လို့ မရတဲ့ အနေအထားရှိနေပါပြီ။ ဒေသန္တရအုပ်ချုပ်ရေးအနေနဲ့ အားလုံး မြို့နယ်ပေါင်း ၇၈ မြို့နယ်မှာ ဖွဲ့စည်းထားပြီး ကျန်းမာရေးဝန်ဆောင်မှုတွေ ပညာရေးဝန်ဆောင်မှုတွေ အားလုံးကျွန်တော်တို့ လုပ်ဆောင်နေပါတယ်။”
အမျိုးသားညီညွတ်ရေးအစိုးရ ယာယီသမ္မတကြီး ဒူးဝါးလရှီးလ နှင့်တွေ့ဆုံမေးမြန်းခြင်း
By ရန်ကုန်ခေတ်သစ်
အကြမ်းဖက်စစ်တပ်က အာဏာသိမ်းပြီး ပြည်သူတွေကို သတ်ဖြတ်ကာ ပြည်သူအိုးအိမ်တွေကို ဖျက်ဆီးနေတာ ကြောင့် ပြည်သူတွေဟာ ခုခံတွန်းလှန်စစ်ဆင်နွဲနေတာကနေ ထိုးစစ်ဆင်တိုက်ခိုက်တာတွေ ခပ်စိတ်စိတ်ပြုလုပ် လာပြီဖြစ်ပါတယ်။
အခုအခါမှာ နိုင်ငံရဲ့ တဝက်ကျော်ကိုလည်း တိုင်းရင်းသားလက်နက်ကိုင် တော်လှန်ရေး တပ်ဖွဲ့ တွေနဲ့ ပြည်သူ့ကာကွယ်ရေးတပ်ဖွဲ့တွေက စိုးမိုးထားနိုင်ပြီဖြစ်ပါတယ်။အာဏာသိမ်းလာတာ နှစ်နှစ်ကျော် ရှိလာ ချိန်မှာတော့တစ်နိုင်ငံလုံးအတိုင်းအတာနဲ့ စစ်ခွေးနိဂုံး ၂၀၂၃ ဆိုပြီး ကြွေးကြော်က ခုခံတွန်းလှန်မှုတွေ လုပ်လာပါ တယ်။
ဒီအခြေအနေတွေနဲ့ပတ်သက်လို့ အမျိုးသားညီညွတ်ရေးအစိုးရ ယာယီသမ္မတကြီး ဒူးဝါးလရှီးလ ကို ရန်ကုန်ခေတ်သစ်သတင်းဌာနက ဆက်သွယ်ပြီး ထိန်းချုပ်နယ်မြေတွေနဲ့ စစ်ရေးပိုင်းအားသာ နေမှုအခြေအနေ၊ အကြမ်းဖက်စစ်တပ်ရဲ့ လေကြောင်းတိုက်ခိုက်မှုကို တန်ပြန်နိုင်ဖို့ လေယာဉ်ပစ်လက်နက်တွေ ရရှိမှုအခြေအနေ အပါအဝင် ပြည်သူ့ကာကွယ်ရေးတပ်ဖွဲ့တွေကို စစ်ရေးထောက်ပံ့ပေးမှု အပိုင်းတွေနဲ့ပတ်သက်လို့ မေးမြန်းထား တာကို တင်ဆက်လိုက်ပါတယ်။
