ကယားပြည်နယ်တွင် အပြည်ပြည်ဆိုင်ရာအမျိုးသမီးများနေ့ပြုလုပ်
ရန်ကုန်၊ မတ် ၈
ကယားပြည်နယ် ဒီးမော့ဆိုမြို့နယ်၏ တစ်နေရာတွင် အမျိုးသားညီညွတ်ရေးအစိုးရ၏ အမျိုးသမီးနှင့် ကလေးသူငယ်ဝန်ကြီးဌာနနှင့် ကျေးလက်မြေအဖွဲ့တို့ပူးပေါင်းပြီး အမျိုးသမီး ၁၀၀ ကျော်နှင့် အပြည်ပြည်ဆိုင်ရာအမျိုးသမီးများနေ့ကို ပြုလုပ်ခဲ့ကြသည်။
ကျေးလက်မြေအဖွဲ့မှ ဒါရိုက်တာ မမူစဲနှင့် နာယက ဖြစ်သူ ဦးဇော်မင်းထိုက်မှ နိုင်ငံတကာအမျိုးသမီးများနေ့ ၊ အပြည်ပြည်ဆိုင်ရာအမျိုးသမီးများနေ့ဖြစ်ပေါ်လာပုံကို ရှင်းပြပေးခဲ့ပြီး အမျိုးသမီးများ၏ အခန်းကဏ္ဍသည်လည်း နေရာတိုင်းတွင် အရေးကြီးကြောင်း၊ ကျားမ မခွဲခြားဘဲ အမျိုးသမီးများ၏အခွင့်အရေးကိုလည်း လေးစားတန်ဖိုးထားကာ ပေါင်းကူးတံတားအသွင်နှင့် အတူတစ်ကွလက်တွဲလုပ်ဆောင်သွားကြမည် ဖြစ်ကြောင်း ပြောကြားခဲ့ကာ တက်ရောက်လာသူများကို ဝက်သား /ကြက်ဥ ထမင်းကြော်များနှင့်လည်း ကျွေးမွေးခဲ့သည်။
