မိုင်ဂျာယန်မြို့မှ ကျောင်းသားများက ကန့်ဘလူ ပြည်သူများအတွက် ဝမ်းနည်းခြင်း အထိမ်းအမှတ် နံရံ ပန်းချီ ရေးဆွဲ
ရန်ကုန်၊ ဧပြီ ၁၂
ကချင်ပြည်နယ် လွတ်မြောက်နယ်မြေ မိုင်ဂျာယန်မြို့ရှိ ကျောင်းသားများမှ အကြမ်းဖက် စစ်တပ်၏ လေကြောင်းမှ ဗုံးကျဲ သတ်ဖြတ်ခံရသည့် ကန့်ဘလူ၊ ပဇီကြီးကျေးရွာမှ ပြည်သူများ အတွက် ဝမ်းနည်းခြင်း အထိမ်းအမှတ် နံရံ ပန်းချီ ရေးဆွဲခဲ့ကြောင်း သိရသည်။
“အနုပညာဆိုတာ သမိုင်းမှတ်တမ်းတင်ခြင်း ချန်ခဲ့ရခြင်းပဲ စစ်ကောင်စီရဲ့ လူမဆန်စွာ အနိုင်ကျင့် သတိဖြတ်မှုတွေအတွက် မှတ်တမ်းတစ်ခု အနေနဲ့ ပုံဖော်ရေးဆွဲရတာဖြစ်ပါတယ်။ နာကျင်မှုတွေနဲ့ ထပ်တူခံစားရကြောင်း အတူတူတစ်စိတ်တစ်ဝမ်းထဲရှိကြောင်း နာကျင်ခံစားရမှုတွေအတွက် ပိုလို့ စည်းလုံးရင်း သင်ခန်းစာယူရင်း ဆုံးရှုံးမှုတိုင်းအတွက် ကိုယ့်ကိုယ့်ကို မညာတမ်း ဝေဖန်ဆန်းစစ်ကြရင်း အတူတကွ ရင်ဆိုင်ကြမယ်” ဟု နံရံ ပန်းချီရေးဆွဲသည့် လူငယ် တစ်ဦးကပြောဆိုသည်။
