ကျိုက်ထိုမြို့နယ်၊ ကော့ထင်းရွာရှိ တံတား ၁ စင်းကို စစ်တပ်က ဖျက်ဆီး
ရန်ကုန်၊ ဇွန် ၅
မွန်ပြည်နယ်၊ ကျိုက်ထိုမြို့နယ်၊ ကော့ထင်းရွာရှိ တံတား ၁ စင်းကို အကြမ်းကို စစ်တပ်က ဘက်ဟိုးဖြင့် လာရောက် ဖျက်ဆီးသွားကြောင်း Kyaikhto Information Organization မှ ထံမှ သိရသည်။
ဇွန်လ ၄ ရက်နေ့ ညနေပိုင်းတွင် အကြမ်းဖက် စစ်တပ်က ကျိုက်ထိုမြို့နယ်၊ ကော့ထင်းကျေးရွာထိပ်ရှိ တံတားတစ်စင်းကို ဘက်ဟိုးများဖြင့် လာရောက် ဖျက်ဆီး သွားကြောင်း၊ လာရောက် ဖျက်ဆီးသော အကြမ်းဖက် စစ်သားများသည် အရပ်ဝတ်များဖြင့် ကော့ထင်းကျေးရွာ ရွာထိပ်ကို ရောက်ရှိလာပြီး ကော့ထင်းကျေးရွာနှင့် ကံနီဘက်သို့ ဆက်သွယ်ထားသော ရွာထိပ်ရှိ တံတားကို ဘက်ဟိုးဖြင့် ဖျက်ဆီးခဲ့ခြင်းဖြစ်ကြောင်း သိရသည်။
အဆိုပါ တံတားကို မည်သည့် ရည်ရွယ်ချက်ကြောင့် ဖျက်ဆီးသည်ကို မသိရှိသေးဘဲ အကြမ်းဖက် စစ်တပ်သည် ကျိုက်ထိုမြို့နယ်တွင် လမ်းနှင့်တံတား စုစုပေါင်း ၆ ခုကို ဖျက်ဆီးထားကြောင်း Kyaikhto Information Organization ထံမှ သိရှိရသည်။
![](https://yktnews.com/wp-content/uploads/2023/06/351848076_777505847060860_4751800658069544274_n.jpg)