ရွှေဘို၊ တည်သီးတောရွာရှိ ပျူစောထီး စခန်းကို ဝင်ရောက် တိုက်ခိုက်ပြီး စစ်ကူလာသော စစ်ကားကိုပါ မိုင်းဆွဲ တိုက်ခိုက်မှု စစ်တပ်ဘက်မှ ၁၈ ဦးသေဆုံး
ရန်ကုန်၊ ဇွန် ၇
စစ်ကိုင်းတိုင်း ရွှေဘိုမြို့နယ်၊ တည်သီးတောရွာရှိ ပျူစောထီး စခန်းကို PDF တပ်ဖွဲ့များ ဝင်ရောက် တိုက်ခိုက်ပြီး စစ်ကူလာသော စစ်ကားကိုပါ မိုင်းဆွဲ တိုက်ခိုက်ရာ စစ်တပ်ဘက်မှ ၁၈ ဦးသေဆုံးခဲ့ကြောင်း ဗိုလ်ကျားရိုင်း – ရွှေဘို (LPDF) အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဇွန်လ ၆ ရက်နေ့ နံနက် ၄ နာရီ ၄၅ မိနစ်ခန့်တွင် ရွှေဘိုမြို့နယ်ရေ တည်သီးတောကျေးရွာ ပျူစခန်းကို PDF တပ်ဖွဲ့များက ဝင်ရောက်စီးနင်း တိုက် ခိုက်ခဲ့ပြီး တိုက်ပွဲဖြစ်ပွားချိန် ၂ နာရီကြာမြင့်ခဲ့ပြီး ပျူစောထီး ၁၄ ဦး သေဆုံးကာ ၂၀ ကျော် ဒဏ်ရာ ရရှိခဲ့ကြောင်း၊ ထို့ပြင် ဇီးဖြူကုန်းရွာမှ စစ်သားများ လိုက်ပါလာသော စစ်ကူကားကိုလည်း မိုင်းဆွဲ တိုက်ခိုက်ခဲ့ရာ စစ်သား ၄ ဦး ပွဲချင်းပြီး သေဆုံးခဲ့ကြောင်း သိရသည်။
” တည်သီးတော ပျူစခန်းကိုတော့ ရွာကို စီးနိုင်ခဲ့ပြီး ဆေးရုံ သုံးထပ်ဆောင်ပေါ်က ခွေး ၆ ကောင်က အပေါ်စီးကနေပစ်နေပြီး RPG 7 မပါတာကြောင့် မဖြိုနိုင်ခဲ့ဘဲ လက်နက်တွေ မရရှိခဲ့တာပါ။ တည်သီးတောနဲ့ ကပ်ရပ် မင်းဘေးရွာက ပျူပေါက်စတွေဆီကတော့ လက်လုပ်သေနတ် ၆ လက် သိမ်းဆည်းရမိခဲ့ပါတယ်။ ခုလို စခန်းသိမ်းတစ်ပွဲ ပြုလုပ်ပြီးရင် နောက်တစ်ပွဲ ပြုလုပ်ဖို့ ကျည်ပြန်ဖြည့်ဖို့ရာကို အတော်အားယူပြီး အချိန်ယူရတာကြောင့် ကျနော်တို့အဖွဲ့ကို နောက်ထပ် Mission ကောင်းတွေ စခန်းသိမ်းတွေပြုလုပ်နိုင်ဖို့ ပြည်တွင်း/ပြည်ပမှ မိဘပြည်သူများကို နိုင်သလောက် ကူပေးကြပါအုံးလို့ဘဲ မေတ္တရပ်ခံချင်ပါတယ်။ RPG 7 ၁ လက်လည်း အထူးလိုအပ်နေပါတယ်” ဟု ဗိုလ်ကျားရိုင်း – ရွှေဘို (LPDF) အဖွဲ့မှ တာဝန်ရှိသူ တစ်ဦးကပြောဆိုသည်။
အဆိုပါ တိုက်ခိုက်မှုကို ဗိုလ်ကျားရိုင်း – ရွှေဘို (LPDF) အဖွဲ့နှင့်အတူ ရွှေဘိုခရိုင် တပ်ရင်း ၄ ၊ ခွဲ-၂/ခွဲ-၃၊ ဗိုလ်ဂျပန်ကြီး (
.T) – SHWEBO LPDF၊Golden Eagle – ZBG (LPDF)၊ DOG KILLER SHWEBO-LPDF၊BO BA TAW -SHWEBO (LPDF)၊ ဗိုလ်မိကျောင်းအဖွဲ့၊ ကျားပျံအဖွဲ့၊ မဟူရာ ရွှေဘိုသား အဖွဲ့၊ ဒေါင်းမာန် အဖွဲ့၊ ငါးမည်ရပြည်သူ့ကာကွယ်ရေးတပ်ဖွဲ့၊ တောင်သူကြီးများအဖွဲ့- LDF၊ရွှေဘိုမြို့နယ် တိုက်နယ်-၂ စသည့် မဟာမိတ်ညီနောင်များက ပူးပေါင်း တိုက်ခိုက်ခဲ့ကြောင်း သိရသည်။
