Khit Thit သတင်းဌာန၏ ဩဂုတ် ၅ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဩဂုတ် ၅ ရက် မနက်ပိုင်းတင်ဆက်ပေးမယ့်သတင်းတွေကတော့
-အကြမ်းဖက် မင်းအောင်လှိုင် တည်ထားတဲ့ မာရဝိဇယဘုရား ကျောက်စာ ၇၂၀ ချပ်ကို ဂြိုလ်တုကနေ ကြည့်ရှုရာ မှာ ကျောက်စာချပ်တွေဟာ စတုရန်းပုံ မညီမညာဖြစ်နေမှုကို လူမှုကွန်ရက်မှာ ပြည်သူအများစုက ဝေဖန်နေ ကြပါတယ်။
-တနင်္သာရီတိုင်း၊ ထားဝယ်မြို့နယ်မှာ စစ်တပ် ဂိတ်စခန်းနဲ့ ယတြာချေနေတဲ့ ပျူစောထီးတွေကို ပစ်ခတ် တိုက်ခိုက်ခဲ့တယ်လို့ ထားဝယ်လူငယ်လက်ရုံးတပ်မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာကို ပြောပါတယ်။
-ထိုင်း-မြန်မာနယ်စပ်၊ မဲဆောက်ဒေသမှာ ကုန်စိမ်းကားပေါ် လိုက်ပါလာတဲ့ မြန်မာ လုပ်သား ၅၂ ဦး ဖမ်းဆီးခံ ရတယ်လို့ ထိုင်းသတင်းဌာနတွေရဲ့ ဖော်ပြချက်အရ သိရပါတယ်။
-ရှမ်းပြည်နယ်၊ ကျောက်မဲမြို့နယ်၊ ဂုတ်တွင်း လမ်းပိုင်းမှာ စစ်ကား ၁ စီး ပစ်ခတ် တိုက်ခိုက်ခံရပြီး စစ်သား ၁၀ ဦးထက်မနည်းသေဆုံးခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
