“ကွက်ပြည့်ခင်း ကွက်စေ့နင်းတဲ့ ဗျူဟာ” ဖြင့် PDF နှင့် မဟာမိတ်များက “ထု အင်အား” တည် ဆောက်ပြီး အကြမ်းဖက် စစ်ကောင်စီတပ် ကို ထိုးစစ်ဆင်မည် ဟု NUG ကာကွယ်ရေးဝန်ကြီး ဦးရည်မွန် တပ်လှန့်
ရန်ကုန်၊ ဩဂုတ် ၉
အကြမ်းဖက် စစ်ကောင်စီတပ်ကို “ကွက်ပြည့်ခင်း ကွက်စေ့နင်းတဲ့ ဗျူဟာ” ဖြင့် PDF နှင့် မဟာမိတ်များက “ထုအင်အား” တည်ဆောက်ပြီး ထိုးစစ်ဆင်မည်ဟု အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာန၊ ပြည်ထောင်စု ဝန်ကြီး ဦးရည်မွန် တပ်လှန့်ပြောဆိုလိုက်သည်။
ပြည်သူ့ကာကွယ်ရေးတပ်မတော် တပ်ခွဲမှူးသင်တန်း အပတ်စဥ် ၂တွင် သင် တန်း သားရဲဘော်များသို့ အမျိုးသားညီညွတ်ရေးအစိုးရ NUG ကာကွယ် ရေးဝန်ကြီး ဦးရည်မွန်က အထက်ပါအတိုင်း တပ်လှန့် အမှာစကားပြောဆို လိုက် ခြင်း ဖြစ်သည်။
“ငါတို့မဟာဗျူဟာက “ကွက်ပြည့်ခင်း ကွက်စေ့နင်းတဲ့ ဗျူဟာ” ဖြစ်တယ် ဆိုတာ ရဲဘော်တို့ သိရှိပြီး ဖြစ်တယ်။ တစ်ပြည်လုံး အတိုင်းအတာနဲ့ ဒေသတိုင်း မှာ အင်အားစုစည်းပြီး ငါတို့တိုက်ပွဲဝင်ခဲ့ကြတယ်။ မဟာဗျူဟာ နောက် တစ် ဆင့် အဖြစ် PDF နဲ့ မဟာမိတ်များ “ထုအင်အား” တည်ဆောက်ပြီး တစ်ခု တည်းသော စီမံချက်အောက်မှာ မဟာဗျူဟာထိုးစစ်ကို ဆင်နွှဲကြရမှာ ဖြစ် တယ်။
ရဲဘော်တို့အနေနဲ့ ဒီစစ်ဆင်ရေးမှာ စစ်မျက်နှာအသီးသီးကနေ အရေး ကြီး တဲ့ စစ်မြေပြင်ခေါင်းဆောင်များအဖြစ် ပါဝင်ကြရမှာဖြစ်တယ်” ဟု ကာကွယ်ရေးဝန်ကြီး ဦးရည်မွန်က တပ်လှန့်လိုက်သည်။
ပြည်သူများ၏ ချွေးနည်းစာ ကူညီထောက်ပံ့မှုဖြင့် တိုက်ပွဲဝင်နေကြသည့် ပြည်သူ့ကာကွယ်ရေး တပ်မတော်သည် ပြည်သူကို နိုင်ထက်စီးမလုပ်ရန် မလိုအပ်ကြောင်း ၊ PDF ကသာလျှင် အသက်စွန့် တိုက်ပွဲဝင်နေရခြင်း ဖြစ်သည့် အတွက် PDF ကသာလျှင် ပြည်သူထက် ခေါင်းတစ်လုံး ပိုမြင့်သည့်ဆိုသော အတွေးအခေါ်ကို မိမိတို့၏ ခေါင်းထဲက ရှင်းရှင်းဖယ်ထုတ် ထားရမည်ဖြစ် ကြောင်း၊ ပြည်သူ၏ ထောက်ခံပါဝင်မှုကြောင့်သာ ယနေ့ ပြည်သူ့စစ် မဟာဗျူဟာကို ခင်းကျင်းနိုင်ကြောင်း ကာကွယ်ရေး ဦးရည်မွန်က ဆိုသည်။
” ငါတို့ကိုင်ထားတဲ့ သေနတ်က ပြည်သူက သူ့ချွေးနည်းစာနဲ့ စုဆောင်းပြီး တပ် ဆင်ပေးထားတာ ဖြစ်တယ်။ ငါတို့ စားနေတဲ့ထမင်းကလည်း ပြည်သူ ကျွေး ထား တာပဲ ဖြစ်တယ်။ လက်နက်ကိုင်ပြီး ပြည်သူ အပေါ် ရမ်းကားတာ၊ ပြည်သူ ကို နိုင့်ထက်စီးနင်း လုပ်တာထက် စက်ဆုပ်စရာကောင်းတဲ့ အပြုအမူ ရှိမှာ မဟုတ်ဘူး။ဒီလို အမူအကျင့်မျိုးရှိတဲ့ စုန်းပြူးတွေ PDF တပ်မတော်ထဲ ခိုအောင်း နေရင်လည်း ပြတ်ပြတ်သားသား ဖော်ထုတ် ဖယ်ရှားပစ်ကြရမှာ ဖြစ် တယ်။ ပြည်သူရဲ့ ထောက်ခံပါဝင်မှုကြောင့်သာ ဒီကနေ့ ပြည်သူ့စစ်မဟာ ဗျူဟာကို ခင်းကျင်းနိုင်တာ ဖြစ်တယ်။ ဒီမဟာဗျူဟာကြောင့်ပဲ ရန်သူဟာ ထွက်ပေါက်ပိတ်ပြီး နိုင်ငံရေး၊ စစ်ရေး၊ စီးပွားရေး၊ နိုင်ငံတကာရေး အဘက် ဘက် က ချွတ်ခြုံကျကာ အသက်ရှူကျပ်နေတာပဲ ဖြစ်တယ်။ အကြမ်းဖက် စစ်ခေါင်းဆောင်ဟာ သူ့ရဲ့ အရေးနိမ့်မှုတွေအတွက် တရားခံရှာတဲ့အနေနဲ့ ဇာတ်တူသားချင်း ဖြုတ်ထုတ်သတ် လုပ်နေတာ အခုတလော ခပ်စိပ်စိပ် တွေ့ရလိမ့်မယ်။ အသက်ရှူကျပ်နေတဲ့ စစ်ကောင်စီကို အသက်ရှူရပ်တဲ့ အထိ ငါတို့ ဖိအားပေး တိုက်ခိုက်ကြရမှာ ဖြစ်တယ်” ဟု ၎င်းက ဆိုသည်။
ပြည်သူ့ကာကွယ်ရေးတပ်မတော် အဖွဲ့ဝင်များအနေဖြင့် စစ်ကောင်စီတပ် များ ကို ဆက်လက်တိုက်ခိုက်ခြင်းဖြင့် ပြည်သူ့တော်လှန်ရေး မုချ အောင်မြင်ရ မည်ဟု ၎င်းက ပြောဆိုသည်။
“ဒီကနေ့ ရဲဘော်တို့ကို လိုရင်း မှာလိုတာက ကိုယ့်သေနတ် ကိုယ့်လက်ထဲမှာ မြဲအောင်ကိုင်ပါ။ ကိုယ့်တပ် မာသထက် မာအောင် တည်ဆောက်ပါ။ ငုတ်မိ သဲ တိုင် တက်နိုင်ဖျားရောက်ဆိုသလိုပဲ တော်လှန်ရေးပန်းတိုင်ဆီ ဦးလည် မသုံ ဆက်လက် ချီတက် ကြပါ။ ပြည်သူ့တော်လှန်ရေး မုချအောင် ရမည်” ဟု ပြည်ထောင်စုဝန်ကြီး ဦးရည်မွန်က ပြောဆိုသည်။
