မုံရွာမြို့နယ်၊ သပြေတောရွာကို သန်းခေါင်စာရင်း ကောက်ရန်လာသည့် စစ်ကြောင်းကို တိုက်ခိုက်မှု ရဲ ၁ ဦးသေဆုံး
ရန်ကုန်၊ အောက်တိုဘာ ၇
စစ်ကိုင်းတိုင်း၊ မုံရွာမြို့နယ်၊ သပြေတောရွာကို သန်းခေါင်စာရင်း ကောက်ရန်လာသည့် အကြမ်းဖက် စစ်တပ် စစ်ကြောင်းကို တိုက်ခိုက်ရာ ရဲ ၁ ဦးသေဆုံးခဲ့ကြောင်း Ba Thu Kyawal Column အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
အောက်တိုဘာလ ၆ ရက်နေ့ ညနေ ၄ နာရီခန့်တွင် အနောက်မြောက်ပိုင်းတိုင်း စစ်ဌာနချုပ် နှင့် ကပ်လျက်ရှိသော သပြေတောရွာကို သန်းခေါင်စာရင်း ကောက်ရန်လာသည့် အင်အား ၆ဝ ခန့်ပါ အကြမ်းဖက် စစ်တပ် စစ်ကြောင်းကို တော်လှန်ရေး တပ်ဖွဲ့များက လက်နက်ကြီးများဖြင့် ပစ်ခတ်တိုက်ခိုက်ရာ ရဲ ၁ ဦးသေဆုံးခဲ့ကြောင်း သိရသည်။
” လတ်တလော သိရတာက ရဲ ၁ ကောင် သေတယ်လို့သိရပါတယ်။ စစ်ခွေးတွေ သန်းခေါင်စာရင်း ကောက်ဖို့ ထပ်ကြိုးစားရင် အလားတူ တိုက်ခိုက်မှု ထပ်လုပ်ပါ့မယ်” ဟု Ba Thu Kyawal Column အဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို ယင်းမာပင်ခရိုင် အမှတ် ၉ တပ်ရင်း၊ N.W.P.D.F ၏ Ba Thu Kyawal Column ၊Anonymous Hero (LPDF) ၊ ယုန်မင်း (LPDF) တို့က ပူးပေါင်း လုပ်ဆောင်ခဲ့ကြောင်း သိရသည်
![Pinterest](https://pinterest.com/pin/create/button/?url=https://yktnews.com/2023/10/125543/&media=https://yktnews.com/wp-content/uploads/2023/10/386737377_677143954513214_4053888419373463640_n.jpg&description=" လတ်တလော သိရတာက ရဲ ၁ ကောင် သေတယ်လို့သိရပါတယ်။ စစ်ခွေးတွေ သန်းခေါင်စာရင်း ကောက်ဖို့ ထပ်ကြိုးစားရင် အလားတူ တိုက်ခိုက်မှု){kind=link}