Khit Thit သတင်းဌာန၏ အောက်တိုဘာ ၇ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၇ ရက် ညနေပိုင်းတင်ဆက်ပေးမယ့်သတင်းတွေကတော့
– ထားဝယ်ပြည်သူ့လွတ်မြောက်ရေးတပ်ဖွဲ့ ရဲ့ နှစ်နှစ်ပြည့်နေ့ကို ကရင် အမျိုးသား လွတ်မြောက်ရေး တပ်မတော် ဒုတိယစစ်ဦးစီးချုပ် စောဘောကျော်ဟဲ နဲ့ တော်လှန်ရေးအင်အားစုတွေက သဝဏ်လွှာတွေ ပေးပို့ခဲ့ကြတယ်လို့ တပ်ဖွဲ့ဆီကသိရပါတယ်။
– စစ်ကိုင်းတိုင်း၊ ရေဦးမြို့နယ်၊ ဖိန်းကားကျေးရွာက ပြည်သူပိုင် ဆန်စက်ကို အကြမ်းဖက် စစ်ကောင်စီတပ် စစ်ကြောင်းက ဖောက်ထွင်းပြီး ဆန်အိတ်တွေကို ခိုးယူသွားသလို ၊ အကြမ်းဖက် စစ်တပ် စစ်ကြောင်း ထိုးမှုကြောင့် ကျေးရွာ ၁၆ ရွာကျော်က ဒေသခံပြည်သူတွေလည်း ဘေးလွတ်ရာကို ထွက်ပြေးသိမ်းရှောင် နေရတယ်လို့ People’s Defense Comrade ပြန်ကြားရေးတာဝန်ခံ ထူးခန့်ဇော် (အမေ့သား)က ရန်ကုန်ခေတ်သစ် ကိုပြောပါတယ်။
– ရခိုင်ပြည်၊ စစ်တွေမြို့က ဘုမေရပ်ကွက်မှာရှိတဲ့ ကြက်ဈေးတန်းကို ကျူးကျော်လို့ပြောပြီး ဖယ်ရှားပေးဖို့ အကြမ်းဖက် စစ်ကောင်စီက ဖိအားပေးနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
