Khit Thit သတင်းဌာန၏ နိုဝင်ဘာ ၁၀ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ နိုဝင်ဘာ ၁၀ ရက် မနက်ပိုင်းတင်ဆက်ပေးမယ့်သတင်းတွေကတော့
-ရှမ်းပြည်နယ်မြောက်ပိုင်း၊ ကွမ်းလုံမြို့ကို MNDAA က သိမ်းပိုက်နိုင်ခဲ့ပြီး ကွမ်းလုံတံတားနဲ့ တာပါး တံတားကိုလည်း ထိန်းချုပ်ထားနိုင်တယ်လို့ သိရပါတယ်။
– စစ်ကိုင်းတိုင်း၊ ထီးချိုင့်မြို့သိမ်းတိုက်ပွဲ ဆက်လက်ပြင်းထန်နေပြီး စစ်တပ်က လေကြောင်းကနေ ဗုံးကျဲတိုက်ခိုက်တာကြောင့် ဘုန်းကြီး ၁ ပါးနဲ့ ပြည်သူ ၃ ဦး သေဆုံးခဲ့တယ်လို့ တော်လှန်ရေးသတင်း ရင်းမြစ်တွေနဲ့ ဒေသခံပြည်သူတွေက ပြောပါတယ်။
– စစ်ကိုင်းတိုင်း၊ ခန္တီးခရိုင်၊ ဟုမ္မလင်းမြို့နယ်၊ ပုရစ်ဖာနိုင်းအုပ်စု၊ ဖာနိုင်းကျေးရွာက အကြမ်းဖက်စစ်တပ် စခန်းကုန်းကို ဝင်ရောက်တိုက်ခိုက်သိမ်းပိုက်ခဲ့ရာ စစ်ကောင်စီတပ်ဖွဲ့ဝင် ၃ ဦးသေပြီး ၁၀ ဦးကျော် ဒဏ်ရာရခဲ့တယ်လို့ ဟုမ္မလင်း PDF တာဝန်ရှိသူတစ်ဦးက ပြောတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
