ရှမ်းပြည်နယ်မြောက်ပိုင်း ကိုးကန့်တွင် စစ်ကောင်စီစခန်းများ ဆက်တိုက်သိမ်း ပိုက်နေပြီး စခန်းပေါင်း ၁၄၇ ခုရှိလာ၊ စစ်တပ်ဘက်မှ ၂၀ ဦးထက်မနည်း သေဆုံးပြီး လက်နက်ခဲယမ်းအများအပြားရရှိ
ရန်ကုန်၊ နိုဝင်ဘာ ၁၅
ရှမ်းပြည်နယ်မြောက်ပိုင်း ကိုးကန့်တွင် စစ်ကောင်စီစခန်းများ ဆက်တိုက်သိမ်းပိုက်နေပြီး သိမ်းဆည်းရရှိသော စခန်း ၁၄၇ ခုရှိလာကာ စစ်တပ်ဘက်မှ ၂၀ ဦးထက်မနည်း သေဆုံးကြောင်း MNDAA က သတင်းထုတ်ပြန်သည်။
နိုဝင်ဘာလ ၁၅ ရက်နေ့တွင် ကိုးကန့်(MNDAA)က ကိုးကန့်ရှင်ဖင်ကိုင် (ရှောက်ချုံကန်) လျှံဖုန်ရွှေ ၊ မော်ထိုက် စိုင်းကျောက်ရှမ် နှင့် မော်ထိုက်တာလင်ကယ်တောင်စသည့်နေရာများရှိ စစ်ကောင်စီတပ်စခန်းများကို ထိုးစစ်ဆင် သိမ်းပိုက်ခဲ့ကြောင်း၊ စစ်ကောင်စီ၏ တပ်စခန်းအကြီးအသေး စုစုပေါင်း(၁၄၇)ခု သိမ်းပိုက်ရရှိခဲ့ကြောင်း၊ ယနေ့နံနက် ၆ နာရီ ၃၀ မိနစ်အချိန် ရှင်ဖင်ကိုင် လျှံဖုန်ရွှေနေရာရှိ စစ်ကောင်စီတပ်စခန်းကို ထိုးစစ်ဆင်တိုက်ခိုက် အောင်မြင်စွာသိမ်းပိုက်ခဲ့ကြောင်း သိရှိရသည်။
ထို့ပြင်ယနေ့ နံနက် ၁၁ နာရီ ၃၀ မိနစ်အချိန် ကိုးကန့်(MNDAA)က မော်ထိုက်စိုင်းကျောက်ရှမ်စခန်းကို ပြန်လည်သိမ်းယူ ပြီး မော်ထိုက်တာလင်ကယ်ဗျူဟာကုန်းကိုလည်း သိမ်းပိုက်နိုင်ခဲ့ကြောင်း သိရှိရသည်။
နိုဝင်ဘာလ ၁၄ ရက်နေ့ ကိုးကန့်(MNDAA)က ကိုးကန့်ဒေသရှိ စစ်ကောင်စီ၏တပ်စခန်း(၂)ခုကိုထပ်မံသိမ်းဆည်းရရှိကြောင်း ၊ စစ်ကောင်စီတပ်စစ်ကြောင်းကို ကြားဖြတ်တိုက်ခိုက်မှုကြောင့် စစ်ကောင်စီဘက်မှ ဒဏ်ရာရသူနှင့် သေဆုံးသူ စုစုပေါင်း လူ(၅၀)ကျော်ရှိခဲ့ကြောင်း သိရှိရသည်။
နိုဝင်ဘာလ ၁၄ ရက်နေ့ နံနက် ၁၁ နာရီ ၃၀ မိနစ်အချိန် ကိုးကန့်(MNDAA)က ဟွာရှီပန်အခြေချနေထိုင်သော စစ်ကောင်စီစခန်း ကို ဦးစွာထိုးစစ်ဆင်သိမ်းပိုက်ခဲ့ပြီး မွန်းလွဲ ၁၂ နာရီ ၁၄ မိနစ်အချိန် ဟုန်အိုင်ဒေသ ၊ ရှမ့်ကန်လင်မျက်နှာချင်းဆိုင် မော်ထိုက်လောက်ပန်ချန်နေရာရှိစစ်ကောင်စီစခန်းကို ဝင်ရောက်ရှင်းလင်းသိမ်းယူ ပြီးလက်နက်ခဲယမ်းအချို့လည်းသိမ်းဆည်းရမိကြောင်း ၊
နိုဝင်ဘာလ ၁၂ ရက်နေ့ ချုံကန်စခန်းကိုသိမ်းယူပြီးနောက် မော်ထိုက်အခြေချနေထိုင်သော စစ်ကောင်စီတပ်ဖွဲ့ သည် ချုံကန်ဒေသသို့ရွေ့လျားလှုပ်ရှားလာခဲ့သဖြင့် ကိုးကန့်(MNDAA)က နိုဝင်ဘာ ၁၃ ရက်မှ ၁၄ ရက်နေ့အထိ ၎င်းတို့ရွှေ့လျားလှုပ်ရှားလာသောစစ်ကောင်စီတပ်ဖွဲ့ကို ပစ်ခတ်တိုက်ခိုက်ပြီး စစ်ကောင်စီဘက်မှ ဒဏ်ရာရသူ နှင့်သေဆုံးသူ စုစုပေါင်း(၅၀)ကျော်ရှိခဲ့ကြောင်း၊ လက်နက်ခဲယမ်းများလည်း သိမ်းဆည်းရရှိကြောင်း သိရှိရသည်။
ကိုးကန့်(MNDAA)ရှေ့တန်းအရာရှိတစ်ဦးက “စစ်ကောင်စီအဖွဲ့ဝင် ၂၀ ကျော် သေဆုံးခဲ့ပါတယ်။ အလောင်း တချို့ကိုစစ်မြေပြင်ချန်ရစ်ထားခဲ့ပြီး တချို့ကိုမြှုပ်နှံထားခဲ့ပါတယ်” ဟု ပြောဆိုသည်။
က ကိုးကန့်ဒေသရှိ စစ်ကောင်စီ၏တပ်စခန်း(၂)ခုကိုထပ်မံသိမ်းဆည်းရရှိကြောင်း ၊ စစ်ကောင်စီတပ်စစ်ကြောင်းကို){kind=link}