နောင်ချိုမြို့နယ်တွင် စစ်သုံ့ပန်းများ ဖမ်းဆီးထားသော ဒိုပင်ရဲစခန်းကို စစ်တပ်က လေကြောင်းဖြင့် ပေါင် ၅၀၀ ဗုံး ကျဲချ တိုက်ခိုက်ခြင်းကြောင့် စစ်သုံ့ပန်း ၄ ဦးသေဆုံး
ရန်ကုန်၊ နိုဝင်ဘာ ၂၀
ရှမ်းပြည်နယ်၊ နောင်ချိုမြို့နယ်တွင် စစ်သုံ့ပန်းများ ဖမ်းဆီးထားသော ဒိုပင်ရဲစခန်းကို စစ်တပ်က လေကြောင်းဖြင့် ပေါင် ၅၀၀ ဗုံး ကျဲချ တိုက်ခိုက်ခြင်းကြောင့် စစ်သုံ့ပန်း ၄ ဦးသေဆုံးခဲ့ကြောင်း TNLA က ထုတ်ပြန်ထားသည်။
နိုဝင်ဘာ ၁၉ရက်နေ့ ည ၉ နာရီ ခန့်တွင် နောင်ချိုမြို့နယ်ရှိ TNLAနှင့် MDY PDF ပူးပေါင်း တပ်ဖွဲ့က သိမ်းပိုက်ထားသော ဒိုပင်ရဲစခန်းကို အကြမ်းဖက် စစ်တပ်က လေကြောင်းဖြင့် ပေါင် ၅၀၀ ဗုံးကျဲချ တိုက်ခိုက်ခဲ့ကြောင်း သိရသည်။
အဆိုပါ ရဲစခန်းတွင် ၁၀၂၇ စစ်ဆင်ရေး အတွင်း ဖမ်းဆီးရမိခဲ့သော စစ်ကောင်စီ ဒလန်များနှင့် စစ်သုံးပန့်များကို ထိန်းသိမ်းထားသောနေရာဖြစ်ပြီး အကြမ်းဖက် စစ်တပ်၏ လေကြာင်းဖြင့် ပေါင် ၅၀၀ ဗုံး ကျဲချ တိုက်ခိုက်ခြင်းကြောင့် စစ်သုံ့ပန်း ၄ ဦးသေဆုံးကာ ၁၀ ဦးထိခိုက်ဒဏ်ရာရရှိခဲ့ကြောင်း သိရှိရသည်။
![](https://yktnews.com/wp-content/uploads/2023/11/403969697_702273458666930_4524930243904692028_n.jpg)
![](https://yktnews.com/wp-content/uploads/2023/11/403795385_702273422000267_1248724974064053118_n.jpg)