ရန်ကုန်၊ ဇန်နဝါရီ ၂၂
မလေးရှားတွင် တရားမဝင် ရှိုးပွဲ ပြုလုပ်မှုဖြင့် မလေးရှားရဲက ဖမ်းဆီးထားသော အေမီဈာန် ၊ ဖူးပွင့်ခိုင်တို့ နှင့်အတူ ဖမ်ဆီးခံရသည့် မြန်မာနိုင်ငံသား ၅၂ ဦး ယ နေ့ အထိ မလွတ်သေးကြောင်း မလေးရှားရောက် မြန်မာများထံမှ သိရှိရသည်။
ဇန်နဝါရီလ ၁၃ ရက်နေ့ ညပိုင်း ပီနန်ပြည်နယ် ဘာတာဝပ်မြို့ရှိ Royce Luxury Night Club တွင် မွေးနေ့ပွဲရှိုးပွဲ ကျင်းပနေစဉ် အတွင်း မလေး ရှား နိုင်ငံသားများ၏ တိုင်တန်းချက် အရ မလေးရှားရဲက အေမီဈာန် ၊ ဖူးပွင့်ခိုင် တို့ နှင့် အတူ ဖမ်ဆီးခံရသည့် မြန်မာနိုင်ငံသားများကို ဝင်ရောက် ဖမ်းဆီး ခဲ့ခြင်း ဖြစ်ပြီး ယခုအချိန်အထိ ပြန်လည် လွတ်မြောက်လာခြင်းမရှိသေးကြောင်း သိရှိ ရသည်။
“ အေမီဈာန် ၊ ဖူးပွင့်ခိုင် အပါဝင် အားလုံး ၅၂ ဦး ဝန်းကျင် အဖမ်းခံထားရတာပါ။ ဒီတပတ်အတွင်းလွတ်မယ်လို့တော့ ပြောတယ်။ ယောက်ကျား လေး ၃၂ ယောက် နဲ့ မိန်းခလေး အယောက်၂၀ ပါတယ်။ အေမီဈာန်က တော့ တည် တည် ငြိမ်ငြိမ်ပါပဲ ၊ နောက်ကို အခုလို ရှိုးပွဲတွေတော့ မဆိုတော့ဘူး ၊ ဘာသာ ရေး ပွဲတွေရှိရင်တော့ မလေးရှားကို လာချင်သေးကြောင်း ပြောပါတယ်”ဟု လိုက်ပါ ကူညီပေးနေသူ မလေးရှားရောက် မြန်မာတစ်ဦးက ဆိုသည်။
မော်ဒယ် ဖူးပွင့်ခိုင်မှာမူ မလေးရှားရဲ၏ စစ်ဆေးချက်အရ ဆေးကျပြီး အမြန် ပြန်လည် လွတ်မြောက်လိုသည်ဟု ပြောဆိုနေကြောင်း သိရှိရသည်။
“အဖမ်းခံထားရသူတွေထဲမှာ မိန်းကလေး ၆ ဦးနဲ့ ယောက်ကျားလေး ၄ ဦး ကတော့ အထောက်အထား မရှိတဲ့ အတွက် မြန်မာပြည်ကို ပြန်ပို့ မယ်လို့ သိရပြီး ကျန်တဲ့သူတွေကတော့ အခုတပတ် အတွင် လွတ်မြောက် နိုင်ခြေ ရှိတယ်” ဟု မလေးရှားရောက် မြန်မာက ရှင်းပြသည်။
အေမီဈာန်နဲ့ ဖူးပွင့်ခိုင်တို့ရဲ့ ဖျော်ဖြည်ပွဲတွေကို ကွာလာလမ်ပူမြို့ ၊ ဘာတာဝပ် မြို့နှင့် ဂျိုဟိုး မြို့များတွင် ပြုလုပ်ရန် ကြော်ငြာထားခြင်းဖြစ်ပြီး ဘာတာဝပ်မြို့ ဖျော်ဖြည်ပွဲ တွင် ဖမ်းစီး ခံခဲ့ရခြင်းဖြစ်ကြောင်း သိရပါတယ်။
#နွေဦးတော်လှန်ရေး #yktnews #khitthitmedia #myanmarmedia #burmesemedia #foryou #foryoupage #NUG #springrevolution
