ရန်ကုန်မြို့ရှိ မြို့နယ် ၃ ခုတွင် တော်လှန်လူငယ်များက အကြမ်းဖက် စစ်ကောင်စီ၏ မတရားစစ်မှုထမ်းဥပဒေကို ဆန့်ကျင်ကြောင်း တပြိုင်တည်း ဆန္ဒပြ
ရန်ကုန်၊ ဧပြီ ၈
ရန်ကုန်မြို့ရှိ မြို့နယ် ၃ ခုတွင် တော်လှန်လူငယ်များ ဦးဆောင်ကာ အကြမ်းဖက် စစ်ကောင်စီ၏ မတရား စစ်မှုထမ်း ဥပဒေကို ဆန့်ကျင်ကြောင်းနှင့် စစ်မှုမထမ်းလိုကြောင်း တပြိုင်တည်း ဆန္ဒပြခဲ့ကြောင်း သိရသည်။
အဆိုပါ ဆန္ဒပြပွဲတွင် တော်လှန်လူငယ်များက “ခွေးဆွဲမခံနဲ့ သွေးရဲကြ” ဘန်နာ စာသားကိုင်ဆောင်ပြီး မင်းအောင်လှိုင်၏ အကျိုးစီးပွား တစ်ခုတည်းကြောင့် ပြည်သူများ ငတ်လို့ သေမလား၊ စစ်တပ်က သတ်လို့ သေမလား အခြေအနေကို လူထုရင်ဆိုင်နေရကြောင်းနှင့် ပို၍ ဆိုးရွားလာမည့် တိုင်းပြည်အခြေအနေတွင် “သေရင်မြေကြီး ရှင်ရင်ရွှေထီး” စိတ်ဓာတ်ဖြင့် တုံ့ပြန်ရင်ဆိုင်ကြရမည်ဟု ပြည်သူများကို ဟောပြောခဲ့ကြောင်း သိရသည်။
